________________
ચન્દ્રશેખર મહારાજ અમારી નિશ્રામાં આવે પરન્તુ ચન્દ્રશેખર મહારાજ જેમને પોતાના અસીમઉપકારી માને છે. તે પૂજ્યપાદ ભુવનભાનુસૂરિશ્વરજી મહારાજની નિશ્રાનો સ્વીકાર કરે છે.
ચન્દ્રશેખર મહારાજ એવા પુણ્યના સ્વામી હતા કે ‘‘તેઓ સ્વયં પોતાનું શાસન સ્થાપી શકે’’ પણ એવી કોઈ ભૌતિક ખ્વાહિશ તેમનામાં ન હતી. કર્ણધાર ખુદ મુસાફર બનીને જ રહેવા ઝંખે છે. આ હતી જિન શાસનની ગૌતમ જીવનશૈલી.
નવસારીના ચાતુર્માસ બાદ સુરત જઈ પૂ. ગુરુદેવ પર્યુષણા તાલિમવર્ગ શરૂ કરીને વધુ યુવાનોને પર્યુષણ માટે તૈયાર કરવા માંગતા હતા. પણ પૂ. ભુવનભાનુસૂરિશ્વરજી મહારાજનો આદેશ થયો કે ‘ચન્દ્રશેખર અમલનેર ખાતે થનારી ૨૭ દીક્ષામાં તારે ઉપસ્થિત રહેવાનું છે.’’
ગુરુદેવ તુરત જ તે આદેશ શિરસાવંઘ કર્યો હતો. સિદ્ધિની ટોચના સમયે પણ સમર્પણની તલેટીને જાળવી રાખવી તે ગૌતમશૈલીનું જીવન છે.
પૂજ્યપાદ ભુવનભાનુસૂરીશ્વરજી મ.સા.ના કાળધર્મ પછી તેમના ઉત્તરાધિકારી પૂજ્યપાદ જયઘોષસૂરીશ્વરજી મ.સા.ના નામની જાહેરાત ગુરૂદેવ પોતેજ કરે છે. સંયમ પર્યાયમાં માત્ર બે વર્ષ જ મોટા, પણ ઉંમરમાં બે વર્ષ નાના એવા ગચ્છાધિપતિ પાસે ગુરૂદેવ બાળકની જેમ રોઈને પ્રાયશ્ચિત કરતા.
૯૦ થી વધુ શિષ્યોના ગુરૂ
હજારો યુવાનો જેમને પોતાના ગુરૂ માને છે. તે પોતે નાનકડા શિષ્યની જેમ ગુરૂના ખોળામાં આંસુ પાડે છે આ અસામાન્ય કક્ષાનું સમર્પણ છે. !! ગુરૂદેવનું અસ્વસ્થ સ્વાસ્થ્ય હતુ. ત્યારે ગચ્છાધિપતિ
૧૯૯
