________________
ચંદ્રશેખર ! તારા વિરોધી પણ તારી ચારિત્રશુદ્ધિની પ્રશંસા કરશે..
- પ.પૂ. મુક્તિચન્દ્રસૂરિ મ.સા. ઉત્તમ પુરુષોના આશિષ યોગ્ય પાત્રમાં ફળે છે. તે ન ભુલશો. જ્યાં બાવળ જ ઉગતા હોય તે જમીનમાં કેસરની ખેતી શક્ય નથી. આશિષ તો પાત્રને ફળે છે. અન્યથા નિષ્ફળ જાય છે. પ.પૂ.મૂક્તિચન્દ્રસૂરિ મ.સા., સ્વ. પ્રેમસુરીશ્વરજી મ.સા.ના સમુદાયના જ આ પરમ ગીતાર્થ આચાર્ય ભગવંત હતા.
સંઘર્ષમય જીવનમાં અનેક કાર્યોમાં ઘણાઓ ગુરૂદેવથી ખીન્ન થયા દુશ્મન બન્યા પણ કોઈ વ્યક્તિએ પૂ.ગુરુદેવના ચારિત્ર સામે કાદવ ઉછાળવાની ગુસ્તાખી કરી નથી. તેઓએ જે હજારો ભવ-આલોચનાઓ વાંચી, આ આલોચનામાં ૯૦% આલોચના યુવાનો-યુવતીઓની આવતી હતી. પૂ. ગુરુદેવના શબ્દોમાં એવો જાદુ હતો કે યુવાનોના દિલ હાલી ઉઠતા અને પૂ. ગુરુદેવ પાસે પોતાની કાળી જીવન કિતાબ ખુલ્લી મુકી દેતા. આવી જે કાળી જીવન કિતાબો આવતી હતી. તેમાં જે પાપોના વર્ણન થતા હતા તેમાંય લગભગ ૯૦% પાપો કેવલ sex ના જ રહેતા હતા. આ પાપોનું વર્ણન ખુબ વિસ્તારથી થતું હતું. આ બધું વાંચતા વાંચતા ગુરુદેવ અમને કહેતા હતા કે “આ શુદ્ધિ પ્રદાનની મારી જે રમત છે તે એવી જોખમી છે કે તેમાં હું કો'ક ને પાપના કલણમાંથી તારી લઉ પણ હું આ પાપો વાંચતા-વાંચતા જો ચલિત થાઉ કે મને નાનો પણ પાપનો વિચાર આવી જાય તો હું ડુબી જાઉં. એટલે આ એવી તરણ-રમત છે કે જેમાં શીખનાર (આલોચના લેનાર) તરે જ પણ શીખવાડનાર (પ્રાયશ્ચિત આપનાર) ડુબી જાય.” તેવી શક્યતાઓ છે. પણ પૂ. ગુરુદેવ પરમ ગુરુદેવની કૃપાના જોરે નીલકંઠની જેમ તે બધા જ પાપો વાંચવા છતાં નિર્લેપ બનીને સ્વસ્થ રહી ગયા. આ હતો વડિલોના આશિષનો ચમત્કાર.
૧૮૮
