________________
ચંદ્રશેખર ! જ્યાં જાય ત્યાં સંઘને એક કરજે. ७८
– પૂજ્યપાદ્ ગુરુદેવ પ્રેમસૂરીશ્વરજી મ.સા. રાધનપુર એટલે ગુરુદેવનું ગામ.
સાગર અને વિજય ગચ્છ વચ્ચે સંઘમાં મોટો વિવાદ ચાલતો હતો. દીક્ષા પછી પહેલી જ વાર ચન્દ્રશેખર મહારાજ રાધનપુર આવી રહ્યા હતા. સંઘમાં આ ઝઘડો લગભગ ૩૦-૪૦ વર્ષથી હશે.
રાધનપુરના જીવાભાઈ શેઠના દિકરા મહારાજ ગામમાં આવી રહ્યા છે. તેનો આનંદ સંઘમાં ખુબ હતો. જીવાભાઈ શેઠે નગર પ્રવેશની ભવ્ય તૈયારી કરેલી હતી. રાધનપુરથી આઠ કી.મી. દૂર ગોચનાથ ગામ હતું. ત્યાં પૂ. ગુરુદેવ આવી ચૂક્યા હતા. અને ત્યાંથી પૂ. ગુરુદેવે સંઘને જાણ કરી દીધી કે ‘“મારે રાધનપરુમાં પાંચ દિવસ રોકાવવાનું છે. પણ કાલે મારો પ્રવેશ તો જ થશે. જો તમે બે ય એક થઈને આવશો. નહી તો હું અહીં જ રોકાઈશ'' સંઘમાં ખળભળાટ શરૂ થયો મિટિંગો શરુ થઈ. આપણા મહારાજનો પ્રવેશ આપણા ઝઘડાના લીધે ન થાય તો આપણા ગામની આબરુ ધૂળ થાય. રાતે બે વાગે બેય પક્ષ એક થયા શામ-દામ-ભેદ-દંડ આદિ કોઈપણ નીતિ દ્વારા સંઘ એકતા કરવાના પ્રયાસો પૂ. ગુરુદેવે કર્યા અને આ પ્રયાસોને દાદા ગુરુદેવના આશિષે સફલતા અપાવી જ છે.
પુના ભવાની પેઠમાં ઝઘડો હતો રાતના ૯.૦૦ થી સવારે ૫ સુધી મિટિંગ ચાલી આખી રાત ગુરુદેવ જાગ્યા અને ઝઘડા મીટાવ્યા. લગભગ ૮૦-૯૦ સંઘોની શાંતિમાં આ આશિષના લીધે પૂ. ગુરુદેવ નિમિત્ત બન્યા.
મહારાજજી પ્રેમસૂરીશ્વરજી મ.સા.એ ખંભાતથી વિહાર કરતા મુનિ ચન્દ્રશેખર વિ.ને આશિષ આપતા એક વાક્ય કહેલું ‘જ્યાં જાય ત્યાં સોય બનજે કાતર નહી'' આ શબ્દો મંત્ર બનીને પૂ. ગુરુદેવના જીવનમાં ફળે છે.
૧૮૬
CID
