________________
બેટા ! શાસન દિપક થજે. માતા સુભદ્રા સ્થળ : મેટર્નીટી હોમ
સમયઃ જન્મના જ દિવસ
માતાએ કાનમાં આ વાક્ય આશિષરૂપે કહેલું. હવે જુઓ આ આશિષનો ચમત્કાર...
લગભગ ૪૦-૪ર વર્ષ પહેલા સૌરાષ્ટ્ર કે કચ્છના એક ગામમાં અમે વિહાર કરીને ગયા હતા. આખું ગામ માત્ર મુસલમાનોનું જ હતું. પરંતુ તે ગામના અગ્રણીઓ ચન્દ્રશેખર મહારાજના નામથી પરિચિત હતા.
ગામના મુસ્લિમ સરપંચ ચન્દ્રશેખર મહારાજને પ્રવચન માટે વિનંતી કરે છે. જ્યાં અમારા ઉતારો હતો ત્યાં જ ઉપરના માળે પ્રવચન ગોઠવાયું. ગામના ઘણાં મુસ્લિમો પ્રવચનમાં આવ્યા. જોતા પણ ડર લાગે તેવા-મુસ્લિમ લોકો બડી દિલચસ્પીથી પ્રવચન સાંભળે છે. મહાવીર દેવની વાતો કુરાનના સંદર્ભે રજૂ થાય છે. અને તે શબ્દો કઠોર દિલના મુસ્લિમોને પણ પીગળાવી મૂકે છે. ૨૨૦૦ વર્ષ પહેલા રત્નપ્રભસૂરીશ્વરજી મ.સા. એ ઓસીયામાં ચોમાસું કરીને જે ચમત્કાર કર્યો હતો. તેનું સેંપલ આ ગામમાં જોવા મળ્યું. જૈન ધર્મ માટે મુસ્લિમોમાં આદર જાગે છે. આ જ શાસન પ્રભાવના કહેવાય ને?
રામાયણ મહાભારત અને ગીતા પર જાહેર પ્રવચનો દ્વારા હજારો અજૈનોના જીવન પરિવર્તન કર્યા, આ સદીના અજેનોમાં સૌથી વધુ લોકપ્રિય જૈન સંત પંન્યાસ ચન્દ્રશેખરવિજયજી હતા.
માતાના આશિષ ફળે છે... અજેનો સુધી જિનશાસન જ્યોતને પહોંચતી કરવી તે શાસન પ્રભાવના છે.
૧૮૪
