________________
•
આ તે દેહ છે જેના દ્વારા ચાર દાયકા સમગ્ર જિનશાસનની સુરક્ષા થઈ છે. આ દેહના અણુઓના માધ્યમે વિરાટ-વિશુદ્ધ પુણ્યના અણુઓએ જગને સન્માર્ગ બતાવ્યો છે.
• આ તે દેહ હતો જે દેહના અણું અણુમાં જિનશાસન-પ્રભુ મહાવીર દેવ સતત ગુંજતા રહ્યા
હતા.
• આ તે દેહ હતો. જેના દર્શનમાં તીર્થદર્શન જેવો ભાવ ઉછળતો હતો.
• આ દેહના માધ્યમથી ચન્દ્રશેખર મહારાજ વિશ્વવ્યાપક બન્યા,
ગરીબોના આશ્વાસક બન્યા.
અબોલ જીવોના રક્ષક બન્યા.
યુવાનોના ઉદ્ધારક બન્યા.
શાસન પ્રભાવક બન્યા.
તે દેહ નશ્વર હતો. તેણે તેની સચ્ચાઈને પ્રગટ કરી. લગભગ રાતના બે થી અઢીની વચ્ચે સમગ્ર દેહનું વિલીન કરણ થઈ ચૂક્યું હતું.
જીવન ઈતિહાસ બની ગયું. વ્યક્તિનું રૂપ શ્રદ્ધા બનીને વહેંચાઈ ગયું. ચન્દ્રશેખર મહારાજ વ્યક્તિરૂપે મૃત થયા, પણ જીવનરૂપે અમર થઈ ગયા.
વંદન તે જીવનને જેના દ્વારા અનેકોને જીવન મલ્યા એક નાનકડું જીવન કેટલા બધા જીવનોનું અજવાળું બની ગયું.
૧૮૨