Page Text
________________
સમાધિલીન ગુરુદેવની સેવામાં શિષ્યો
ચન્દ્રશેખર મહારાજ આંબાવાડીમાં બિરાજમાન છે. આવા સમાચાર અમદાવાદના શ્રમણોને મલ્યા અને ધુરધર મહાત્માઓ અજાતશત્રુ જેવા ગુરુદેવને સુખશાતા પુછવા આવતા હતા. સર્વ પક્ષના સર્વ સમુદાયના મહાત્માઓ આવતા હતા.
વિ.સં. ૨૦૬૭નાં ચાતુર્માસમાં પણ પૂ. ગુરુદેવને આંબાવાડીમાં જ સ્થાયી કરવા તેવો નિર્ણય સાથેના શિષ્યોએ લીધો.
પૂજ્યપાદ ગુરુદેવશ્રીની અંતિમ પળ સુધી સમાધિ અને સ્વસ્થતા જળવાઈ રહે તે માટે પૂજ્યપાદશ્રીની સેવામાં મનમૂકીને તત્પર બનનાર ૧૫ શિષ્યો હતા જેમાં પંન્યાસ ઈન્દ્રજિત વિજય જેઓ ૪૦ વર્ષથી પૂ. ગુરુદેવના આરોગ્યની ઝીણામાં ઝીણી બાબતથી વાકેફ હતા. બીજા હતા ધર્મભૂષણ વિજય પછી શીલરક્ષિત વિજય આદિ હતા. તો ગ્રહસ્થોમાં મુંબઈ ખાતે નાદુરસ્ત તબિયતના સમયે પૂ. ગુરુદેવને જ્યારે જ્યારે હોસ્પીટલમાં દાખલ કરાયા ત્યારે યોગેશ દિવસ રાત સાથેને સાથે રહેતો હતો.
એકવાર પૂ. ગુરુદેવ શાન્તી મેળવવા ગોવાલીયા ટેન્કના ઉપાશ્રયમાં પધાર્યા હતા. બે દિવસ ઉપાશ્રયના રોકાણને થયા હશે. ત્યાં જ સામે તેજપાલ હોલમાં કો'ક લગ્ન પ્રસંગ ચાલતો હતો તેનો અવાજ શરૂ થયો. અવાજના લીધે પૂ. ગુરુદેવ અસ્વસ્થ થઈ ગયા. આમેય પૂ. ગુરુદેવનું સ્વાથ્ય તે જ અરસામાં ખુબ નાજુક થઈ ચુક્યું હતું. માટે તેઓ થોડો પણ અવાજ સહી શકતા ન હતા.
યોગેશે વિનંતી કરી મારુ ઘર ખાલી જ છે આપ પધારો આપને શાતા રહેશે બાજુમાં ઉપાશ્રય હોય ને ગુરુદેવ શ્રાવકના ઘરે જાય જ નહિ છતાં સતત સેવા કરનાર યોગેશને જાણે કે વળતર આપવું હોય તેમ તેના નવાઘરમાં પગલા નહી પણ સાત દિવસ રોકાઈ જાય છે. ગુરુદેવે અગાઉ યોગેશના ત્રીજા માળે નાના ઘરમાં પગલા કર્યા. ત્યારે યોગેશ અશ્રુભિની આંખે બોલ્યો આજે સુદામાને ઘરે કૃષ્ણ પધાર્યા. ગુરુદેવ કહે છે કૃષ્ણ પણ પોતાના સુદામાની સ્થિતિ જોવા ક્યારેક રૂબરૂ આવી જાય છે.
૧૭૪
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |