________________ ભુવનભાનુસૂરીશ્વરજી સ્મૃતિ મંદિર પ્રતિષ્ઠા: સિંહગર્જના... વિ.સં. ર૦૫૫ની સાલમાં જ સ્મૃતિ મંદિરની પ્રતિષ્ઠા પ્રસંગ ભવ્ય ઉત્સવપૂર્વક ઊજવાઈ રહ્યું હતો. સમગ્ર પ્રસંગ વાસણાના વિશાળ પટાંગણમાં હતો આ ભવ્ય પ્રસંગ આઠ-નવ દિવસ સુધી ચાલવાનો હતો. તેમાં ચોથા કે પાંચમા દિવસે સવારના પ્રસંગમાં તે સમયના ગુજરાતના મુખ્યમંત્રી માન. શંકરસિંહજી વાઘેલા પધાર્યા હતા. આ તકનો લાભ લઈ બીજા કાર્યક્રમો અટકાવી, લગભગ 20 હજાર માનવોની ઉપસ્થિતિમાં પં. ચન્દ્રશેખર મહારાજે જાહેરમાં ગુજરાતના મુખ્યમંત્રીનો ઉધડો લઈ લીધો. વાત જાણે એવી હતી કે “ગુજરાતમાં ગૌવંશ પ્રતિબંધ તો આવી ગયો પણ તે જ દિવસોમાં ગુજરાતની બોર્ડર ઉપરથી ગેરકાયદેસર પશુઓની હેરાફેરી કતલ માટે થાય છે''. તેવા સમાચાર છાપાઓમાં છપાયા હતા. આ બાબતની પીડાથી સંતપ્ત ગુરુદેવ આ તકનો લાભ લઈ લેવા માટે સીધા જ પાટ ઉપરથી ઉભા થઈ અને ગર્જના કરે છે. “બાપુ! તમારા રાજમાં તમારા જ તંત્રએ બનાવેલા ગોવંશ હત્યા બંધીને કાયદાઓનો છડે ચોક ભંગ થાય છે. તમારા અધિકારીઓ ભ્રષ્ટ છે. ગુરુદેવ તીખા શબ્દોમાં કહે છે. “શંકરસિંહજી ! તમારા આગમનનો અમને તો જ આનંદ થશે કે અમારી આ વેદનાને તમે સાંભળો અને આ બાબતે સખ્ત પગલા લઈને અમલ કરો” પૂ. ગુરુદેવના મર્મ વેધી વિધાનોને સભાએ તાળીઓથી તો વધાવ્યા પણ ગુજરાતના મુખ્યમંત્રીએ પણ પૂ. ગુરુદેવની વેદનાને સહૃદયતા પૂર્વક સાંભળી અને અમલ કરાવ્યો. બીજા દિવસથી ચેકપોસ્ટ ઉપર કડક અધિકારીઓને ગોઠવી દેવાયા અને પશુઓની હેરાફેરી અટકાવી દેવાઈ. તેજ પ્રતિભા તે જ પ્રસંગે એક વખત માત્ર સાધ્વીજી ભગવંતોની નિશ્રામાં જ બહેનોની સામાયિક શિબિર હતી ત્યાં ચન્દ્રશેખર મહારાજ થોડા શ્રાવકો સાથે વાવાઝોડાની જેમ પહોંચે છે. 20000 બહેનોને વીસ મિનિટ ઉદ્ધોધન કરી ગર્ભપાત અને છુટાછેડા ન લેવાની બાધા કરાવે છે. લગભગ 90% બહેનો પ્રતિજ્ઞા બદ્ધ થાય છે. આ ગુરુદેવની કરૂણા ક્રાન્તિ હતી. ૧૫ર