Page Text
________________ બાબતોમાં પણ કેટલાક શકવર્તિ ઠરાવો થયા. સંઘના સભાગે તિથિનો વિવાદ પૂ. ભુવનભાનુસૂરીશ્વરજી મ.સા.ની ઉદારતા અને દીર્ઘષ્ટિના કારણે બહુધા શ્રમણ સંઘમાંથી નાબૂદ થયો. મારે કહેવું પડશે કે પૂ. ગુરુદેવની મહેનતને બળ તેઓએ આપ્યું. શ્રી સંઘમાં 95% શાંતિ સ્થપાઈ જશે તેવો વિશ્વાસ ત્યારે હતો. શ્રમણ સંમેલનની ફલશ્રુતિની જાહેરાત ચતુર્વિધ સંઘ વચ્ચે કરવાની હતી તેથી વિરાટ જનસભાનું આયોજન પંકજ સોસાયટીમાં કરાયું. આ આખી સભામાં મુખ્ય પ્રવક્તા તરીકે પૂ. ગુરુદેવશ્રી જ હતા. તે પ્રવચનમાં ગુરુદેવશ્રીએ જણાવ્યું કે “હવે સકલ સમુદાયના શાસન ભક્ત યુવા શ્રમણો સંઘ સેવામાં જોડાશે. સંઘ એકતા તે જ વર્તમાન સમયની શ્રેષ્ઠ સંઘ સેવા છે”. રાજનગરની પ્રાચીન પરંપરા પ્રમાણે શ્રમણ સંમેલનની ફલશ્રુતિની જાહેરાત માટે ડેહલાના ઉપાશ્રયમાં રાજનગર જૈન સંઘોના ટ્રસ્ટીઓની સભા હતી. સંમેલન પક્ષના આચાર્ય ભગવંતો ઉપસ્થિત હતા તે વખતે ચન્દ્રશેખર મહારાજ મુનિઓની હરોળમાં પાછળ બેઠા હતા, તે વખતે સભાના અધ્યક્ષ સ્થાને રહેલ આચાર્ય દેવ રામસૂરીશ્વરજી મ.સા.ના શબ્દો જે હતા તે ટાકું છું... “ચંદ્રશેખર મહારાજ ! તમે કેમ પાછળ છો ? આગળ આવો તમે તો અમારા જેવા આચાર્યોના પણ આચાર્ય છો તે વખતે પૂ. રામસૂરીશ્વરજી મ.સા. એ આચાર્યપદ ગ્રહણ કરવા માટે પૂ. ગુરુદેવને આગ્રહ કરેલ. જોકે શ્રમણ સંમેલન દ્વારા સકલસંઘની એકતાનો જે પ્રયાસ હતો, જે ભાવ હતો તે સંપૂર્ણ સાકાર ન થયો. બહુમત સંઘ એક થયો પણ શ્રમણ સંમેલન સર્વ સંમત ન થયું. તેનો આઘાત પણ પૂ. ગુરુદેવશ્રીને લાગ્યો હતો. વાત નીકળી જ છે તો કરી લઉં કે “ચન્દ્રશેખર મહારાજનું સમગ્ર જીવન સફલતાના આનંદ અને નિષ્ફળતાના આઘાતોની અસમતુલા વચ્ચે ચાલ્યું છે.' મારી વાત સાથે સમગ્ર જૈન સમાજ સંમત છે કે “ચન્દ્રશેખર મહારાજના જીવનમાં સફલતા સો હતી તો નિષ્ફળતા દસ હતી અને હું તે હકીકત છુપાવવા નથી માંગતો આ જીવનચરિત્ર છે. કેવલ 136
| SR No. | 005689 |
| Book Title | Yugpurush |
| Original Sutra Author | N/A |
| Author | Chandrajitvijay |
| Publisher | Tapovan Vidyalay |
| Publication Year | 2014 |
| Total Pages | 250 |
| Language | Gujarat |
| Classification | Book_Gujarati |
| File Size | 7 MB |