Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 86

બાહુબલીને સંદેશ મોકલ્યો કે - “તે પણ એમની અધીનતા સ્વીકારી લે.” પણ બાહુબલીએ સ્પષ્ટ ના કહી દીધી. ચક્રવર્તી નામકર્મના પ્રાબલ્યના કારણે ભરતને બાહુબલી પર આક્રમણ કરવાનો નિર્ણય લેવો પડ્યો.
ભરતે વિશાળ સેનાની સાથે બહલી દેશની સીમા ઉપર આવીને પડાવ નાખ્યો. બંને સેનાઓમાં થોડા સમય સુધી યુદ્ધ ચાલતું રહ્યું. પણ એનાથી થનારા નરસંહારથી બચવા માટે બાહુબલીએ એક દરખાસ્ત મૂકી કે - બંને ભાઈઓ જ મળીને નિર્ણાયક જયુદ્ધ કરી લઈએ.” ભરતે વાત માની લીધી. બંનેમાં દૃષ્ટિ-યુદ્ધ, વાયુદ્ધ, બાહુ-યુદ્ધ અને મુષ્ટિ-યુદ્ધ થયું અને બધાંમાં જીત બાહુબલીની જ થઈ. નાના ભાઈથી પરાજિત થઈ ભરતને એટલો ઊંડો આઘાત લાગ્યો કે એમણે બાહુબલીના શિરચ્છેદન માટે ચક્રરત્નનો પ્રહાર કર્યો. પહેલાં તો બાહુબલીએ ક્રોધિત થઈ ચક્રને પકડવા ઇચ્છયું, પણ તત્ક્ષણ એમના મનમાં વિચાર આવ્યો કે - “મોટા ભાઈ ભલે મર્યાદા વિરુદ્ધ કામ કરે, પણ એણે ભ્રાતૃવધ જેવું જઘન્ય પાપ ન કરવું જોઈએ.” બાહુબલી ભરતના જ પરિવારનો જ સદસ્ય અને ચરમશરીરી હોવાના લીધે ચક્રરત્ન બાહુબલીની પ્રદક્ષિણા કરીને પરત ફર્યું.
હેમચંદ્રના ત્રિષષ્ટિ શલાકાપુરુષ ચરિત્ર'ના અનુસાર બાહુબલીએ ભરત પર પ્રહાર કરવા માટે જેવી મુષ્ટિ ઉઠાવી, ત્યારે જ એમને વિચાર આવ્યો - “ઋષભની કૌટુંબિક પરંપરા હિંસાની નથી, અપિતુ અહિંસાની છે.” પરંતુ ઉઠાવેલો હાથ ખાલી કેવી રીતે જાય ? એમણે પોતાના ઉઠેલા હાથને પોતાના જ મસ્તક ઉપર નાખ્યો અને વાળોનું લોચન કરી શ્રમણધર્મ સ્વીકારી લીધો. | ઋષભદેવની સેવામાં જવાની ઇચ્છા હોવા છતાં પણ બાહુબલીના પગ આગળ ન વધી શક્યા. કારણ કે એમના મનમાં એવો અહંકાર ઉત્પન્ન થયો કે - પૂર્વ-દીક્ષિત પોતાના નાના ભાઈઓ પાસે એમ જ કઈ રીતે જાઉં!” ફળસ્વરૂપ તે ત્યાં જ ધ્યાનસ્થ થઈ ગયા અને એક વર્ષ સુધી એ જ અવસ્થામાં ઊભા રહ્યા. શરીર ઉપર વેલાઓ ઊગી નીકળ્યા, સુકોમળ કાયા કરમાઈ ગઈ, પગ ઊધઈની માટીથી ઢંકાઈ ગયા, પણ એમને કેવળજ્ઞાન ન થયું. પ્રભુ ઋષભદેવને બાહુબલીની આ સ્થિતિનું જ્ઞાન થયું, તો એમણે એમને પ્રતિબોધ આપવા માટે બ્રાહ્મી અને સુંદરીને એમની પાસે મોકલી. બંને સાધ્વીઓ તત્કાળ બાહુબલીની પાસે ગઈ અને મૃદુ સ્વરમાં બોલી: “ભાઈ, હાથી ઉપરથી નીચે ઊતરો, હાથી ઉપર બેસીને કેવળજ્ઞાનની પ્રાપ્તિ નથી થતી.” સાધ્વીઓની પ્રેરક, મૃદુ વાણીને સાંભળી બંધુ સમજી ગયા કે તે જૈન ધર્મનો મોલિક ઇતિહાસ 969696969696969696969696969696907 ૮૧ |