Page Text
________________
અંકિત નામ વાંચ્યું, એનો ક્રોધ શાંત થઈ ગયો. એના મનમાં વિચાર આવ્યો કે - ‘જમ્બુદ્વીપના ભરત ક્ષેત્રમાં ભરત નામક જે ચક્રવર્તી ઉત્પન્ન થયા છે, તે ષટ્ખંડની સાધના માટે આવ્યા છે. વિગત, વર્તમાન અને ભાવિ માગધ તીર્થાધિપનો આ જીતાચાર છે કે ચક્રવર્તીની સમક્ષ ઉપસ્થિત થઈ એમને સમોચિત ભેટ પ્રસ્તુત કરે.’
આ વિચાર મનમાં આવતાં જ માગધ તીર્થાધિપતિ ચક્રવર્તી ભરતને ભેટ આપવા માટે વસ્ત્રાભૂષણ, મુગટ આદિ લઈ ભરતના નામથી સુશોભિત બાણ અને માગધતીર્થનું જળ સાથે લઈ ભરત ચક્રવર્તીની પાસે પહોંચ્યાં. જય-વિજય'નો ઘોષ કરીને માગધાપતિએ મહારાજ ભરતને નિવેદન કર્યું કે - ‘હું આપના રાજ્યની પૂર્વ દિશાની અંતિમ સીમાનો રક્ષક બની આપને પ્રણામ કરું છું, અને પોતાના તરફથી આપને કંઈક ભેટ સમર્પિત કરું છું, સ્વીકાર કરો.’ મહારાજ ભરતે માગધ તીર્થાધિપતિની ભેટનો સ્વીકાર કરી અને એમને યથોચિત સત્કારસન્માન આપી વિદાય કર્યા.
માગધતીર્થ કુમારદેવને વિદાય કર્યા પછી મહારાજ પોતાની સેનાના પડાવ ઉપર પરત ફર્યા. અષ્ટમભક્ત તપના પારણા કરી એમણે પોતાના સમસ્ત પરિજનો અને પ્રજાજનોને માગધતીર્થ કુમારદેવનો આઠ દિવસ સુધી મહિમા મહોત્સવ ઉજવવાનો આદેશ આપ્યો. આઠ દિવસનો મહોત્સવ સંપન્ન થતાં જ સુદર્શન નામનું એ ચક્રરત્ન આયુધશાળાથી બહાર નીકળીને દક્ષિણ-પશ્ચિમની વચ્ચેના નૈઋત્ય કોણમાં વરદામતીર્થની તરફ વધ્યું. મહારાજ ભરત પોતાના હાથી ઉપર સવાર થઈ સેનાની સાથે ચક્રનું અનુગમન કરવા લાગ્યા. ચક્રરત્ન દ્વારા પ્રદર્શિત માર્ગ ઉપર સર્વત્ર વિજય પ્રાપ્ત કરતા, વિજિતો પાસેથી આદર-સન્માન અને ભેટ સ્વીકાર કરતા વરદામતીર્થની પાસે પહોંચ્યા. ત્યાં એમણે પોતાની સેનાને પડાવ નાખવાનો આદેશ આપ્યો અને સ્વયં વરદામ તીર્થાધિપતિ દેવની આરાધના-સાધના માટે અષ્ટમભક્ત તપ કર્યું. અષ્ટમભક્ત તપના પૂર્ણ થતાં જ ચક્રરત્ન દ્વારા બતાવેલા માર્ગ ઉપર વરદામતીર્થની તરફ પ્રસ્થાન કર્યું. તીર્થની નજીક પહોંચી લવણ સમુદ્રમાં પોતાનો રથ રોકી મહારાજ ભરતે પોતાનું નામાંકિત સર (બાણ) સંધાન કરી પ્રત્યંચા ખેંચી. વરદામ તીર્થાધિપતિએ પણ એમની અધીનતાનો સ્વીકાર કરતા નિવેદન કર્યું કે - “હું આપને અધીન આપના રાજ્યની દક્ષિણી સીમાનો અંતપાલ છું.” મહારાજ ભરતે એમની ભેટ સ્વીકારી અને સમુચિત સત્કાર-સન્માનની જૈન ધર્મનો મૌલિક ઇતિહાસ ૭૭ ૩૭૭ ૬
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |