________________
અભયકુમારને જોતાં જ રાજાએ પૂછ્યું: “મહેલનું શું થયું?” અભયે કહ્યું : “આપની આજ્ઞા મુજબ તેને સળગાવી દીધો.” આ સાંભળીને રાજા ખૂબ દુઃખી થયા અને બોલ્યા : “તે આ ઠીક નથી કર્યું. મારી આજ્ઞા હોવા છતાં પણ તારે પોતાની બુદ્ધિથી કામ લેવું જોઈતું હતું અને થોડો વખત ટાળીને આજ્ઞાનું પાલન કરવું જોઈતું હતું.” આથી અભયે જવાબ આપ્યો : “તમારે આ રીતે વિચાર્યા વગર, સમજ્યા વગર આજ્ઞા નહોતી આપવી જોઈતી.”
અભયના પ્રશ્ન-જવાબ અને પોતાની વડે આપવામાં આવેલ દુષ્ટ આજ્ઞાથી રાજા ખૂબ ગુસ્સે થયો અને તેના મોઢેથી એકાએક નીકળી ગયું - “ચાલ્યો જા અહીંથી અને ભૂલથી પણ મને તારે મો ના બતાવતો.” અભય તો આ જ ઇચ્છતો હતો. તરત જ તે ત્યાંથી ચાલી નીકળ્યો ને ભગવાનનાં ચરણોમાં જઈને તેણે સંન્યાસ ગ્રહણ કરી લીધો. રાજા શ્રેણિકે મહેલમાં પહોંચીને જ્યારે બધાને સુરક્ષિત જોયા, તો તેને ફરી એક વાર પોતાની એકાએક આપવામાં આવેલ આજ્ઞા પર દુઃખ થયું તેને લાગ્યું કે - “તેણે ભૂલથી પોતાના ચતુર પુત્ર અને યોગ્ય મંત્રીને ખોઈ દીધો છે. તે તરત જ ભગવાન મહાવીર પાસે પહોંચ્યા, પણ ત્યાં સુધી અભયકુમાર દીક્ષિત થઈ ચૂક્યો હતો. અભયકુમાર મુનિ વિશુદ્ધ મુનિધર્મનું પાલન કરીને વિજય નામના અનુત્તર વિમાનમાં અહમિન્દ્ર બન્યા.
( ઐતિહાસિક દૃષ્ટિથી નિર્વાણકાળ) ભગવાન મહાવીરનું નિર્વાણ પર૭ ઈ.પૂ.માં થયું હતું. આ વાતના પુરાવા જૈન પરંપરાના પ્રાચીન અને અર્વાચીન, મોટા ભાગે બધી જ જાતના ગ્રંથોમાં પુષ્કળ પ્રમાણમાં ઉપલબ્ધ છે. જે સાબિત થયેલા અને પ્રબળ પુરાવાઓના આધારે ઉપર જણાવેલ નિચોડ કાઢવામાં આવ્યો છે, તેમની પ્રામાણિકતા પૂરી રીતે શંકા વિનાની છે, તેમ છતાં પણ થોડા આધુનિક ઇતિહાસના વિદ્વાન શોધકર્તાઓએ આ વિષય પર જુદી-જુદી નજરેથી વખતો-વખત ઊંડું સંશોધન કરવાનો પ્રયત્ન કર્યો છે.
તે વિદ્વાનોમાં ડૉ. હર્મન જેકોબીનું નામ સૌ પ્રથમ લેવામાં આવે છે. બધા જ પુરાવાઓમાં લગભગ મહાવીર નિર્વાણકાળ ને બુદ્ધ નિર્વાણકાળની સરખામણી કરવામાં આવી છે અને એ નિચોડ કાઢ્યો છે કે – [૪૦૬ 93969696969696969696969696969 જૈન ધર્મનો મૌલિક ઇતિહાસ
