________________
ગૌતમે ભગવાનને પૂછ્યું: આપના નિર્વાણ બાદ કઈ કઈ મુખ્ય ઘટનાઓ થશે ?” એના જવાબમાં ભગવાને કહ્યું: “મારા મોક્ષગમનનાં ત્રણ વર્ષ આઠ, મહિના બાદ દુઃષમ' નામનો પાંચમો આરો લાગશે. ચોંસઠ વર્ષ બાદ છેલ્લા કેવળી જમ્બુ સિદ્ધગતિ પામશે. તે જ વખતે મન:પર્યવજ્ઞાન, પરમઅવધિજ્ઞાન, પુલાકલબ્ધિ, આહારક શરીર, ક્ષપકશ્રેણી, ઉપશમશ્રેણી, જિનકલ્પ, પરિહાર વિશુદ્ધિ, સૂમસંપરાય, યથાખ્યાતચરિત્ર, કેવળજ્ઞાન અને મુક્તિગમન - આ બાર સ્થળોનું ભરત ક્ષેત્રથી વિચ્છેદ (નાશ) થઈ જશે.
મારા નિર્વાણ બાદ મારા શાસનમાં પાંચમા આરાના અંત સુધી ૨૦૦૪ યુગપ્રધાન આચાર્ય થશે. તેમાં પહેલા આર્ય સુધર્મા અને છેલ્લા દુપ્રસહ હશે.
મારા નિર્વાણનાં ૧૭૦ વરસ બાદ આચાર્ય ભદ્રબાહુના સ્વર્ગારોહણ પછી છેલ્લા ૪ પૂર્વ, સમચતુરસ્ત્ર સંસ્થાન, વજઋષભનારાચ સહનન અને મહાપ્રાણધ્યાનનો ભરત વિસ્તારથી નાશ થઈ જશે.
પાંચસો વરસ પછી આચાર્ય આર્યવજના સમયમાં દસમા પૂર્વ અને પ્રથમ સંહનન-ચતુષ્ક સમાપ્ત થઈ જશે. •
મારા નિર્વાણના લગભગ ૪૭૦ વર્ષ વીતી ગયાં બાદ વિક્રમાદિત્ય નામનો એક રાજા થશે, જે સજ્જન અને સુવર્ણપુરુષ હશે અને પૃથ્વી પર નિર્વિને રાજ્ય કરી પોતાનો સંવત ચલાવશે.
નિર્વાણના ૪૫૩ વર્ષ બાદ ગર્દભિલ્લના રાજ્યનો અંત કરવાવાળો કાલકાચાર્ય થશે.
ઘણાં બધા સાધુ ભાંડ જેવા હશે, જે આત્મપ્રશંસા અને પરનિંદામાં પોતાનો સમય વિતાવશે. વિપુલ આત્મબળવાળાઓની કોઈ વાત નહિ કરે અને આત્મબળ વગરના લોકોની પૂજા થશે.”
ભગવાન દ્વારા આ રીતનું વર્ણન સાંભળી હસ્તિપાલ વગેરે ઘણા ભવ્ય આત્માઓએ નિગ્રંથ ધર્મની શરણ લીધી. તે વરસે નિગ્રંથ પ્રવચનનો પુષ્કળ પ્રચાર અને વિસ્તાર થયો. ચાતુર્માસના ચોથા મહિનામાં કારતક કૃષ્ણ અમાસે પરોઢિયે રજુગ સભામાં ભગવાને પોતાના છેલ્લા ઉપદેશામૃતનો વરસાદ કર્યો. સભામાં કાશી, કૌશલના નવ લિચ્છવી, નવ મલ્લ અને ૧૮ ગણરાજા પણ હાજર હતા. | ૩૬૮ [9696969696969696969696969696969ી જૈન ધર્મનો મૌલિક ઇતિહાસ
