Page Text
________________
ચમરેન્દ્રની અગ્રમહિષી થઈ. ચમરચંચાથી ચ્યવન કરી તે મહાવિદેહમાં ઉત્પન્ન થશે અને ત્યાં મુક્તિ પ્રાપ્ત કરશે. ”
આ વર્ગની બાકીની ચાર દેવીઓ રાત્રિ, રજની, વિદ્યુત અને મેઘા પણ એમના પૂર્વજન્મમાં આમલકલ્પા નગરીના ગાથા દંપતીઓની પુત્રીઓ હતી. જરાજીર્ણ વૃદ્ધા થવા છતાં પણ તેઓ અપરિણીત કુંવારી જ રહી. ભગવાન પાર્શ્વનાથના ઉપદેશોથી વૈરાગ્ય આવતા એમણે પ્રવજ્યા લીધી, વિવિધ તપસ્યાઓ કરી, પોતાનાં શિથિલ આચરણોને લીધે શ્રમણી સંઘથી અલગ થઈ સ્વતંત્ર વિહારિણી બની અને અંતે સંખના કરી અમરેન્દ્રની મુખ્ય પટરાણીઓ બની. જીવનકાળ સમાપ્ત થતા એ બધી મહાવિદેહમાં જન્મ લેશે અને મુક્ત થશે.
બીજા વર્ગના દ્વિતીય શ્રુતસ્કંધના બલીદ્રની પાંચ અગ્રમહિષીઓ શુંભા, નિશુંભા, રંભા, નિરંભા અને મદના એમના પૂર્વભવમાં સાવથી નગરીમાં પોતાનાં જેવાં જ નામવાળાં ગાથાપતિ દંપતીઓની કુમારી પુત્રીઓ હતી. ત્રીજા વર્ગમાં નવ દક્ષિણેન્દ્રોની છ-છના પ્રમાણે કુલ ૫૪ મહાપટરાણીઓ એમના પૂર્વભવમાં વારાણસી નગરીમાં પોતાનાં જેવાં જ નામવાળા ગાથાપતિ-દંપતીઓની કુંવારી પુત્રીઓ હતી અને વૃદ્ધાવસ્થામાં ભગવાન પાર્શ્વનાથ પાસે દીક્ષિત થઈ શ્રમણી સંઘમાં જોડાઈ ગઈ. ચોથા વર્ગમાં ઉલ્લેખિત ૯ ભૂતાનંદ આદિ ઉત્તરેન્દ્રોની ૫૪ મુખ્ય રાણીઓ એમના પૂર્વજન્મમાં ચંપા નગરીના રહેવાસી માતા-પિતાઓની પુત્રીઓ હતી. આજીવન કુંવારી રહી અને ભગવાન પાર્શ્વનાથના ચંપા નગરીમાં પધારવાથી પ્રવર્તિની સુવ્રતા પાસે સંયમ ધારણ કર્યો. ઘણાં વર્ષો સુધી સંયમ અને તપની આરાધનાથી એમણે ચારિત્રનું પાલન કર્યું અને છેલ્લે સંલેખનાપૂર્વક આયુષ્ય પૂર્ણ કરી ઉત્તરેન્દ્રની મહારાણીઓ બની.
પાંચમા વર્ગમાં વ્યન્તરેન્દ્રોની ૩૨ અગ્રમહિષીઓનું વર્ણન છે. આ બત્રીસ દેવીઓ એમના પૂર્વજન્મમાં નાગપુરનિવાસી ગાથાપતિ દંપતીઓની પુત્રીઓ હતી, જે આજીવન કુંવારી રહી. જ્યારે તેણીઓ વૃદ્ધ થઈ, તો ભગવાન પાર્શ્વનાથનું આગમન ત્યાં થયું. તે બધી જ સ્ત્રીઓ સમવસરણમાં ગઈ અને વિરક્ત થઈ આર્યા સુવ્રતા પાસે પ્રવ્રજિત થઈ. એમણે અનેક વર્ષો સુધી સંયમનું યોગ્ય પાલન કર્યું, ઉગ્ર તપસ્યાઓ કરી, પણ આચારની શિથિલતાને લીધે આલોચના કર્યા વગર સંલેખનાપૂર્વક જીવન સમાપ્ત કરી દક્ષિણેન્દ્રોની રાણીઓ બની. - | ૨૮૦ 9696969696969696969696969696969માં જૈન ધર્મનો મોલિક ઇતિહાસ
| SR No. | 005685 |
| Book Title | Jain Dharmno Maulik Itihas Part 01 Tirthankar Khand |
| Original Sutra Author | N/A |
| Author | Hastimal Maharaj |
| Publisher | Samyag Gyan Pracharak Mandal |
| Publication Year | 2012 |
| Total Pages | 434 |
| Language | Gujarat |
| Classification | Book_Gujarati |
| File Size | 8 MB |