________________
સંભૂત મુનિ પાસે એમણે શ્વાવકધર્મ ધારણ કર્યો. માતા-પિતાના અવસાન પછી તેઓ સંસાર અસાર લાગતા વૈરાગી બન્યા. આશ્રમપદ ઉદ્યાનમાં ભગવાન પાર્શ્વનાથના પ્રથમ સમવસરણમાં એમની દેશના સાંભળી પ્રવજ્યા લીધી અને પ્રથમ ગણધર બન્યા. - ૨. આર્યઘોષ પાર્શ્વનાથના બીજા ગણધર આર્યઘોષ રાજગૃહના રહેવાસી અમાત્યપુત્ર હતા. તેઓ પણ ભગવાનના પ્રથમ સમવસરણમાં હાજર હતા તેમજ દીક્ષા લઈ ગણધરપદ મેળવ્યું.
૩. વશિષ્ઠ વશિષ્ઠ ભગવાનના ત્રીજા ગણધર હતા. તેઓ કમ્પિલપુરનૃપ મહેન્દ્રના પુત્ર હતા. પાર્શ્વનાથના પ્રથમ સમવસરણમાં હાજર થયા અને ત્યાં સંયમ ધારણ કરી ત્રીજા ગણધર બન્યા.
૪. આર્યબ્રહ્મઃ સુરપુરના ભૂપતિ કનકકેતુના પુત્ર હતા આર્યબ્રહ્મ. માતાનું નામ શાંતિમતી હતું. ભગવાનને કેવળજ્ઞાન મળ્યાની સૂચના મેળવી તેઓ પણ ત્યાં ગયા અને દેશના સાંભળી પ્રવ્રજિત થઈ ચોથા ગણધર બન્યા.
૫. સોમ સોમ ક્ષિતિપ્રતિષ્ઠિત નગરના નરેશ મહીધર અને રાણી રેવતીના પુત્ર હતા. એમની પત્નીનું નામ ચંપકમાલા હતું. એમને એક પુત્ર પણ થયો, જે ચાર વર્ષનો થઈ મૃત્યુ પામ્યો. પત્ની પણ બીમાર હતી અને મરણને શરણ થઈ. આ બંને મોત એમને વૈરાગ્ય તરફ દોરી ગયાં અને તેઓ વિરક્ત બન્યા. ભગવાનના પ્રવચનથી પ્રભાવિત થઈ સંયમમાર્ગ અપનાવી પાંચમા ગણધર બન્યા. -
૬. આર્ય શ્રીધર પાર્શ્વનાથના છઠ્ઠા ગણધર હતા આર્ય શ્રીધર, એમના પિતાનું નામ નાગબલ અને માતાનું નામ મહાસુંદરી હતાં. એમનાં લગ્ન મહારાજ પ્રસેનજિતની પુત્રી રાજમતીની સાથે થયાં. જાતિસ્મરણજ્ઞાન અને નાના ભાઈના અકાળ મૃત્યુ એમની વિરક્તિનાં મુખ્ય કારણ બન્યાં. ભગવાન પાર્શ્વનાથનો સંયોગ મેળવીને તેઓ પણ દીક્ષિત થઈ ગયા.
૭. વારિસેન : ભગવાન પાર્શ્વનાથના સાતમા ગણધર વારિસેન મિથિલાના નિવાસી હતા. યશોધરા તથા નમિરાજા એમનાં માતા-પિતા હતાં. પૂર્વજન્મના સંસ્કાર એટલા બળવાન હતા કે બાળપણથી જ એમનું અંતર્મન પ્રવ્રજ્યા તરફ ઢળેલું હતું. માતા-પિતાની આજ્ઞા લઈ પોતાના ૨૬૮ 969696969696969696969696969696963 જૈન ધર્મનો મૌલિક ઇતિહાસ
