Jain Dharmno Maulik Itihas Part 01 Tirthankar Khand

SR No.: 005685
Original Sutra Author: N/A
Author: Hastimal Maharaj
Publisher: Samyag Gyan Pracharak Mandal
Publication Year: 2012
Total Pages: 434
Language: Gujarat
Classification: Book_Gujarati
File Size: 8 MB

Page 150

જ્ઞાનથી પોતાના પૂર્વજન્મના છ રાજકુમાર મિત્રોની આજન્મની સ્થિતિનો તાગ મેળવ્યો અને બધું જ જાણીને પોતાની બહેનપણીઓ સાથે સુખરૂપ જીવન વ્યતીત કરવા લાગી. આ દરમિયાન એમણે એમના કુટુંબના પુરુષોને બોલાવી એ પ્રમાણે કહ્યું કે - “અશોક વાટિકામાં એક વિશાળ મોહન-ઘરનું નિર્માણ કરવામાં આવે, જેની મધ્યમાં છ ગર્ભગૃહોની વચ્ચે એક જાળીદાર ગૃહની રચના કરી, એ જાળીગૃહની વચ્ચોવચ્ચ એક ચબૂતરો બનાવવામાં આવે. રાજકુમારી મલ્લીના નિર્દેશાનુસાર નિર્માણકાર્ય પૂર્ણ કરી એની સૂચના એમને આપવામાં આવી, રાજકુમારીએ પોતાની જ આબેહૂબ સ્વર્ણ પ્રતિકૃતિ તૈયાર કરાવીને ચબૂતરા પર સ્થાપિત કરાવી દીધી. મૂર્તિ એવી બની હતી કે જોનારને સાક્ષાત્ રાજકુમારી મલ્લીનો જ ભ્રમ થઈ જાય.
એ પ્રતિમાના મસ્તક ઉપર એક કાણું પડાવીને એને કમળાપર્ણ વડે ઢંકાવી દીધું. એના પછી રાજકુમારી દરરોજ જે આહાર ગ્રહણ કરતી એનો એક કોળિયો (ગ્રાસ) કાણા વાટે પ્રતિમામાં નાંખી કાણું બંધ કરી દેવામાં આવતું. આ ક્રમ દરરોજ અવિરત ચાલતો રહ્યો.
( અલૌકિક સૌંદર્યની ખ્યાતિ - નામના ) ઉન્મુક્ત બાળસહજ સ્વભાવવાળી ભગવતી મલ્લીના અદ્ભુત દેહલાલિત્ય તથા ઉત્કૃષ્ટ ગુણોની ખ્યાતિ દિગુદિગંતમાં પ્રસરવા લાગી. એ જ દિવસોમાં મલ્લીના પૂર્વભવના બાળમિત્રો - છએ છ રાજાઓને મલ્લી પ્રત્યે જુદાં-જુદાં નિમિત્તોથી પ્રગાઢ સ્નેહ પ્રગટ્યો, એ નિમિત્તોનો સારાંશ આ પ્રમાણે છે :
(૧) મહારાજ મહાબળના પૂર્વજન્મના મિત્ર અચલનો જીવ જયંત વિમાનના દેવનું આયુષ્ય પૂર્ણ થતા કૌશલ દેશની રાજધાની અયોધ્યામાં પ્રતિબુદ્ધિ નામક કૌશલનરેશ થયો. એક સમયે સાકેતપુરમાં રાજા પ્રતિબુદ્ધિએ રાણી પદ્માવતી માટે નાગધરના યાત્રા મહોત્સવ માટે લાવવામાં આવેલ, એક સુંદર-મનોરમ ગુલદસ્તાને જોઈ પોતાના સુબુદ્ધિ નામક પ્રધાનને પૂછયું : “શું તે ક્યારેય પણ આવો મનોહર ગુલદસ્તો જોયો છે?” મંત્રીએ ઉત્તર આપ્યો: “મહારાજ! હું એક વાર આપનો સંદેશો લઈ મિથિલા ગયો હતો. એ સમયે રાજકુમારી મલ્લીના વાર્ષિક-જન્મમહોત્સવના પ્રસંગે જે દિવ્ય ગુલદસ્તો મેં જોયો, એની સામે આ ગુલદસ્તો તેના લાખમાં ભાગ બરાબર પણ નથી. સાથે જ સ્વયં રાજકુમારી પણ જૈન ધર્મનો મૌલિક ઇતિહાસ 96969696969696969696969696969699 ૧૪૫]