Kalpsutra

SR No.: 005620
Original Sutra Author: N/A
Author: Gunsagarsuri, Kalaprabhsagarsuri
Publisher: Mulund Swe Mu Pu Jain Sangh Mumbai
Total Pages: 370
Language: Gujarati
Classification: Book_Gujarati, Paryushan, & agam_kalpsutra
File Size: 10 MB

Page 198

કલ્પસૂત્ર
குழுழுழுழுழுழுழுழுழுழுழுழுகுகுகுகுகுகு
Jain Education Internat
૫
અંગૂઠાથી મેરુ પર્વતને સહેજ દબાવ્યો, તેથી મેરુ પર્વત કંપી ઊઠ્યો. ચારે બાજુએથી પર્વતનાં વ્યાખ્યાન શિખરો પડવા લાગ્યાં, બીજા પર્વતો અને પૃથ્વી પણ ધ્રૂજી ઉઠી, સાગરો ખળભળવા લાગ્યા, બ્રહ્માંડ પણ ફૂટી જાય તેવો ભયજનક શબ્દ થયો. દેવો પણ ભયભીત થઇ ગયા, આવું જોઇ ઇન્દ્રને ગુસ્સો આવ્યો, તેણે વિચાર્યું કે આવી પાવનકારી શાંતિક્રિયામાં આ જાતનો ઉત્પાત કોણે જગાડયો છે ? પછી અવિધજ્ઞાનનો ઉપયોગ દેવાથી ઇન્દ્રને જણાયું કે આ ઉત્પાતમાં મારી શંકા અને પ્રભુનું અતુલ બળ જ કારણભૂત છે.
પછી ઇન્દ્રે પ્રભુને વિનયથી નમ્ર બનીને જણાવ્યું કે હે ત્રિભુવનનાથ ! મારા જેવો પામર આપના સામર્થ્યને શી રીતે જાણી શકે ? મેં તીર્થંકર પરમાત્માઓના અનંતબળની વિચારણા કર્યા વિનાજ આપના સામર્થ્ય વિષે બાળકપણાને કારણે શંકા કરી તે મેં સારું નથી કર્યું. મારું એ દુષ્કૃત્ય મિથ્યા થાઓ, હું મારા અપરાધની આપની પાસેથી ક્ષમા માગું છું.
પછી અચ્યુતેન્દ્ર પ્રભુને પ્રથમ અભિષેક કર્યો અને બાકીના ઇન્દ્રોએ પણ ત્યારબાદ અભિષેક કર્યો. અભિષેક કરતી વખતનો જળનો પ્રવાહ પ્રભુના મસ્તક ઉપર શ્વેત છત્ર સમાન જણાતો હતો, મુખ ઉપ૨ ચંદ્રના કિરણો જેવો ભાસતો હતો, કંઠમાં શ્વેત હાર જેવો દેખાતો હતો અને સમસ્ત શરીર પર ચીન દેશના રેશમી વસ્ત્ર જેવો જણાતો હતો. જિનેશ્વર દેવના શરીરને સ્પર્શ કરનાર એ સ્નાત્ર જળ પ્રવાહ સર્વ જીવોના કલ્યાણને કરનારો થાઓ.
પછી ઇશાનેન્દ્ર પ્રભુને ખોળામાં લઇને બેસે છે અને સૌધર્મેન્દ્રે ચાર વૃષભના રૂપ લઇ તેના આઠ શિંગડામાંથી દૂધનો પ્રવાહ વહેવડાવી પ્રભુનો અભિષેક કર્યો. ત્યારબાદ ગંધ કષાય વચ્ચે પ્રભુનું શરીર લૂછી ચંદનાદિથી વિલેપન કરી પુષ્પો વગેરેથી પૂજીને પ્રભુની ગીતગાન વડે સ્તવના કરી અને નૃત્ય કરી આરતી અને મંગળ દિવો ઉતારી વિવિધ વાજીંત્રો વગાડી મહોત્સવ કર્યો. પ્રભુની સન્મુખ રત્નના બાજોઠ ઉપર રૂપાના અક્ષતથી દર્પણ, વર્ધમાન, કળશ, મત્સ્યયુગલ, શ્રીવત્સ, સ્વસ્તિક, નંદાવર્ત, અને ભદ્રાસન એ આઠ મંગળ આલેખી પ્રભુની સ્તવના કરી. ન ૧૫૦
தகுகுகுகு