________________
બંધનકરણ
सब्बप्पगुणा ते पढमवग्गणा सेसिया विसेसूणा । अविभागुत्तरियाओ, सिद्धाणमणंतभागसमा ।। ३०॥ फङगमणंतगुणियं, सबजिएहिं पि अंतरं एवं । सेसाणि वग्गणाणं, समाणि ठाणं पढममित्तो ॥ ३१ ॥ एत्तो अंतरतुल्लं अंतर-मणंतभागुत्तरं बिइयमेवं । अंगुलअसंखभागो, अणंतभागुत्तरं कंडं
।। ३२ ॥ एगं असंखभागेणणंतभागुत्तरं पुणो कंडं । एवं असंखभागुत्तराणि जा पुबतुल्लाणि
॥ ३३ ॥ एग संखेज्जुत्तर-मेत्तोतीयाणऽतिच्छिया बीयं । ताणि वि पढमसमाई, संखेज्जगुणोत्तरं एक्कं ॥ ३४ ॥ एत्तो तीयाणि अइच्छियाण विइयमवि ताणि पढमस्स । तुल्लाणऽसंखगुणियं, एक्कं तीयाणऽइक्कम्म ॥३५ ।। विइयं ताणि समाई, पढमस्साणंतगुणियमेगं तो । तीयाणऽतिच्छियाणं, ताणि वि पढमस्स तुल्लाणि ॥ ३६ ।। सबजियाणमसंखेज्जलोगसंखेज्जगस्स जेट्टस्स । भागो तिसु गुणणा तिसु, छट्टाणमसंखिया लोगा ॥३७ ।। वुट्टीहाणीछक्कं, तम्हा दोण्हं वि अंतमिल्लाणं । अंतोमुत्तमावलि, असंखभागो य सेसाणं ।। ३८ ॥ चतुराई जावट्ठग-मेत्तो जावं दुगं ति समयाणं । टाणाणं उक्कोसो, जहण्णओ सव्वहिं समओ ॥३९ ।। दुसु जवमझं थोवाणि अट्ठसमयाणि दोसु पासेसु । समऊणियाणि कमसो, असंखगुणियाणि उप्पिं च ॥४० ॥ सुहुमगणिपवेसणया, अगणिकाया य तेसिं कायठिई । कमसो असंखगुणिया, यऽज्झवसाणाणि अणुभागे ॥४१ ।। कडजुम्मा अविभागा, टाणाणि य कंडगाणि अणुभागे। पज्जवसाणमणंतगुणाओ उणि नणंतगुणं ॥ ४२ ॥ अप्पवहुमणंतरतो, असंखगुणियाणणंतगुणमादि । तबिवरीयमियरओ, संखेज्जक्खेसु संखगुणं ॥ ४३ ।। थावरजीवाणंता, एक्किक्के तसजिया असंखेज्जा । लोगा सिमसंखेज्जा, अंतरमह थावरे नत्थि
॥ ४४ ॥
Jain Education International
For Personal & Private Use Only
www.jainelibrary.org
