________________
નવતત્વ પ્રકરણ | મૂલ
૧૬૫
जीवाइ नव पयत्थे, जो जाणइ तस्स होइ सम्मत्तं । भावेण सद्दहंतो, अयाणमाणेऽवि सम्मत्तं ।।५१।। सव्वाइं जिणेसरभासियाई, वयणाइं ननहा हंति । इइ बुद्धि जस्स मणे, सम्मत्तं निच्चलं तस्स ।।५२।। अंतोमुहुत्तमित्तंपि, फासियं हुज्ज जेहिं सम्मत्तं । तेसिं अवड्डपुग्गलपरिअट्टो चेव संसारो ।।५३।। उस्सप्पिणी अणंता, पुग्गलपरिअट्टओ मुणेयव्यो । तेऽणंताऽतीअद्धा, अणागयद्धा अणंतगुणा ।।५४ ।। जिणअजिणतित्थऽतित्था, गिहिअनसलिंग थीनरनपुंसा । पत्तेयसयंबुद्धा, बुद्धबोहिय इक्कणिक्का य ।।५५।। जिणसिद्धा अरिहंता, अजिणसिद्धा य पुंडरिअपमुहा । गणहारि तित्थसिद्धा, अतित्थसिद्धा य मरुदेवा ।।५६।। गिहिलिंगसिद्ध भरहो, वक्कलचीरी य अन्नलिंगम्मि । साहु सलिंगसिद्धा, थीसिद्धा चंदणापमुहा ।।५७।। पुंसिद्धा गोयमाई, गांगेयाई नपुंसया सिद्धा । पत्तेयसयंबुद्धा, भणिया करकंडुकविलाई ।।५८।। तह बुद्धबोहि गुरुबोहिया य, इगसमये इगसिद्धा य । इगसमयेऽवि अणेगा, सिद्धा तेऽणेगसिद्धा य ।।५९।। (जइआइ होइ पुच्छा, जिणाण मग्गंमि उत्तरं तइया । इक्कस्स निगोयस्स, अणंतभागो य सिद्धिगओ ।।६०।।)
Jain Education International
For Personal & Private Use Only
www.jainelibrary.org
