________________
તીર્થકર શ્રી મહાવીર
પિતાની ગાદી ખાલી પડી હતી, તેથી નંદિવર્ધન કહેવા લાગ્યા : “વર્ધમાન ! તમે રાજ્ય ભોગવો. એને માટે ખરા લાયક તમે જ છો.” વર્ધમાન કહે, “ના રે મોટા ભાઈ ! આપ જ ગાદી શોભાવો. મારે આ રાજ્યનો ખપ નથી.” એથી બધાએ ભેગા થઈને નંદિવર્ધનને રાજા બનાવ્યા.
- વર્ધમાનકુમારની માતાપિતા જીવતાં હોય ત્યાં સુધી દીક્ષા ન લેવાની પ્રતિજ્ઞા પૂરી થઈ છે. હવે તો આત્માને તારવાનો, જગતને ઉદ્ધારવાનો સમય આવી પહોંચ્યો છે.
તેઓ નંદિવર્ધન આગળ આવ્યા ને રજા માગી. આ સાંભળતાં મોટા ભાઈના દુઃખનો પાર રહ્યો નહિ. તેઓ કહેવા લાગ્યા : “વહાલા ભાઈ ! હજી માતાપિતાનો વિયોગ મને સાલે છે, એમાં વળી તારો વિયોગ? મારાથી એ સહન નહિ થાય.'
મોટા ભાઈના કહેવા પરથી વિચાર કરતાં તરતને માટે શ્રી વર્ધમાનને પોતાનો વિચાર મુલતવી રાખવાનું ઠીક લાગ્યું, પણ આ ક્ષણથી પોતાના જીવનની રીતભાત બદલી નાખી. એક વ્રતધારી તપસ્વીની જેમ તેઓ રહેવા લાગ્યા.
મહેલ, ખમ્મા ખમ્મા કરતા સેંકડો નોકરચાકર, અત્યંત ગુણવાળી રાણી યશોદા; એ બધાંનો સહવાસ છોડી શ્રી વર્ધમાન રાજમહેલના એકાંતભાગમાં રહેવા લાગ્યા. અહીં
Jain Education International
For Personal & Private Use Only
www.jainelibrary.org
