________________
૪૫ ઓળી, વર્ધમાન તપની ૧૮ ઓળી, આ તપ શૃંખલામાં અઠ્ઠાઈથી વર્ષીતપમાં છેલ્લે ૩૩ ઉપવાસ કરેલા. પારણું કરાવવા ખાસ શ્રેણિકભાઈ આવેલા.
અત્યારે શ્રી ગુણરત્નસંવત્સર તપ કરી રહ્યા છે ! નામ તમે સાંભળ્યું છે ? આ તપમાં પ્રથમ મહિને એક ઉપવાસ-બેસણુ એમ આખો મહિનો તપ કરવાનો. એમ જેટલામો મહિનો એટલા ઉપવાસ એટલે કે બીજા માસે બબ્બે ઉપવાસે બેસણું. એમ છેલ્લે સોળમે મહિને ૧૬ ઉપવાસ સળંગ કર્યો પછી બેસણું અર્થાત્ ૧ મહિનામાં આગળ પાછળ ૧૬ ઉપવાસ અને વચ્ચે માત્ર ૧ બિયાસણ આવે ! આ તપમાં કુલ ૪૮૦ દિવસમાં ૪૦૭ ઉપવાસ અને ૭૩ બિયાસણા કરવાના હોય છે ! તમે ભાવથી હાથ જોડયા ? કદાચ તમે આટલા ઉપવાસ તો નહીં પણ જિંદગીભરમાં આટલા ચોવિહાર પણ નહીં કર્યા હોય !
૫૮ વર્ષના નિવૃત્ત આ નવિનભાઈ આવા કઠિન તપ સાથે રોજ સામાયિક, પ્રતિક્રમણ, સ્વાધ્યાય આદિ આરાધના પણ કરે છે. બીજી આરાધનામાં જાવજીવ સંથારામાં સૂવે અને ચંપલ ત્યાગ છે. મૂળવિધિથી પ્રથમ ઉપધાન કર્યા ! જેમ કોઈની ૫૦ લાખની મોટર જોતા પોતાને મેળવવાની માનવને ઈચ્છા થઈ જાય છે તેમ તમને ધર્મને આ તપની સીરિયલ વાંચતા આવા નાના મોટા તપ કરવાની શુભ ભાવના જાગે છે ? ટેણિયાઓને પણ આજે બીજાનો અઠ્ઠમ વગેરે જોઈ તપ કરવાનું મન થઈ જાય છે તો ધર્મરાગી તમને આવો કોઈ તપ કરવાનું મન થવું જોઈએ ને ?
Jain Education International
For Personal & Private Use Only
www.jainelibrary.org
