________________
૨૪.મારે ઉપવાસ કરવો જ છે
“મહારાજ સાહેબ ! આજે ઉપવાસ કરવો છે ! પહેલા કદિ કર્યો નથી.” મેં તે ટેણિયાને પૂછયું, “વિનીત થશે ? પછી ભૂખ લાગશે તો ?" વિનીતે કહ્યું, “મ. સા. ! થશે જ. મારે કરવો છે.” તેની મમ્મી એ કહ્યું કે હું વીશસ્થાનક ના ઉપવાસ કરું છું. તેથી આને પણ ઉપવાસ કરવાનું મન થયું છે. એની દૃઢ ઈરછા અને તેની મમ્મી એ હા પાડી એટલે બોરીવલીના વિનીતને ઉપવાસ કરાવ્યો. સારો થઈ ગયો. જેમ સંસારી જીવોને બીજાના મોટર વગેરે જોઈ મન થઈ જાય છે એમ આજે કેટલાક ધર્મી મોટા અને બાળકો ને પણ બીજાના તપ વગેરે જોઈ ધર્મ કરવાની ભાવના થાય છે !! સંસ્કાર અને ધર્મરૂચિથી પુણ્યશાળીને ઈચ્છા થતી હોય છે.
શક્તિ પ્રમાણે એ ધર્મ કરાવવો જોઈએ. ખોટું ડરવાની જરૂર નથી. બહુ નાનો હોય તો પહેલા એકાસણું, આંબલ કરાવી પછી કરાવાય. બીજું, ઘણા મોટા એવા છે કે જેમણે કદિ આયંબિલ, ઉપવાસ કર્યા જ નથી. તેમણે વિચારવું કે તપ ધર્મના પ્રભુએ ઘણા ગુણગાન ગાયા છે. તેથી મારે કરવો જ જોઈએ. વળી, આજે તો ઘણા બાળકો પણ અઠ્ઠાઈ, ઓળી, ઉપધાન વગેરે કરે જ છે તો મારાથી કેમ ન થાય ? એમ હિંમત રાખી ટેવ પાડતા ઉપવાસ વગેરે યથાશક્તિ, તપ બધા એ કરી પ્રભુએ ખુદ કરેલા તપ ધર્મની પણ સાધના કરવી જોઈએ.
૪૨
Jain Education International
For Personal & Private Use Only
www.jainelibrary.org
