________________
સંભળાવવા અવારનવાર પધારતા. ત્યારે તે ખૂબ પ્રસન્ન દેખાતા અને કહેતા, “હે પૂજ્યો ! બસ મને સમાધિ અપાવો.” આવી સીરીયસ હાલતમાં પણ આ સુશ્રાવક દુષ્કૃત ગહ, સુકૃત અનુમોદના અને નવકાર જાપ કર્યા કરતા !!
તા. ૧૫/૦૭/૯૪ એ તેમણે પત્નીને કહ્યું, “હું હવે જઈશ. તુ આરાધના કરજે.” ભત્રીજાને પણ પોતાના ધર્મપત્નીની સંભાળ રાખવા સૂચના કરી. પછી પોતાને હોસ્પીટલમાંથી ઘરે લઈ જવા આગ્રહ કર્યો. તે કહે, “હવે મને દવા ન આપશો, મને માત્ર નવકાર સંભળાવો, આરાધના કરાવો.” તેમના ગામમાં ઘરે તેમને લઈ જવામાં આવ્યા. પૂ. પં. વજસેનવિજય મ. સા. તેમના ઘરે પધાર્યા. વાસક્ષેપ નંખાવ્યો. પછી તે પોતાને અતિ પ્રિય એવી શ્રી નવકાર મંત્રની ધૂન લગાવી ! કોઈ પણ બીજી વાત કરે તો નિષેધ કરી નવકારની ધૂન કરવા દબાણ કરે !
આમને પહેલાં બે એટેક આવેલા. અનેક જાતની વેદના, ખૂબ નબળાઈ અને ઘણી બેચેની હોવા છતાં પોતે નવકારનું રટણ કર્યા કરતા ! બીજાઓ નવકાર બોલે તો ખૂબ ખુશ થતા ! સાંજે ૫.૩૦ વાગે સ્વયં સજાગ બની ગયા. સામે રખાવેલ શ્રી શંખેશ્વર પાર્શ્વનાથ ભગવાન તથા પૂ. પંન્યાસજી શ્રી ભદ્રંકરવિજય મ. સા. ના ફોટાને વંદન કરી પદ્માસને બેસી ગયા !!! સગા સંબંધી બધા આવી ગયેલા.
૨૦
Jain Education International
For Personal & Private Use Only
www.jainelibrary.org
