________________
અંતરના
ધર્મસંસ્કારના બીજ લઈને અમે ઉગાશે , અમેરિકા આવ્યા ત્યારે પર્યુષણ જેવા પર્વમાં
અમે ધાર્મિક ક્રિયા કરતા પરંતુ તે બધા
અનુષ્ઠાનો યંત્રવત્ હતા. યંત્રવત્ થતી ક્રિયા - તથા બોલાતા સૂત્રોનો અર્થ શું ? તે પ્રશ્ન મનમાં
ખટકતો હતો. થોડા વર્ષો વીત્યા અને અમારા સદ્ભાગ્યે શ્રી ચંદ્રકાન્તભાઈ મહેતાએ, જૈનધર્મનો પાયાનો ગ્રંથ “તત્ત્વાર્થસૂત્ર”નો અભ્યાસ શરૂ કર્યો. જાણવાની જિજ્ઞાસા હતી એટલે અમે તેમના ક્લાસમાં જોડાયા. તત્ત્વ સમજાવવાની તેમની સરળ શૈલીથી અમે ઘણા પ્રભાવિત થયા. કોલેજમાં ચાલતા કોર્સની જેમ અમે હોમવર્ક કરતા અને ટેસ્ટ પણ લેતા. આ રીતે અમને ધર્મના ઊંડાણમાં જવાની સુંદર તક મળી. ક્રિયા સાથે ભાવ ભળતા ધાર્મિક અનુષ્ઠાનોમાં અનેરો આનંદ આવવા લાગ્યો.
લગભગ સાતેક વર્ષ પહેલા શ્રી સિદ્ધચક્ર આરાધનાના અને તેના રહસ્યો વિષય ઉપર તેમની શિબિરમાં જવાનો લાભ મળ્યો. ત્યાર પછી અમે નિયમિત સિદ્ધચક્ર યંત્રની આરાધના શરૂ કરી. શ્રી ચંદ્રકાન્તભાઈએ અમેરિકા, સિંગાપુર, એન્ટવર્પ, બંગકોક, મલેશિયા અને જાપાન વગેરે દેશોમાં સિદ્ધચક્ર આરાધના કરાવી છે. તેઓ દસેક વર્ષથી નિયમિત આરાધના કરે છે.
ઘણા જિજ્ઞાસુઓ લાભ લઈ શકે તે હેતુથી આ વિષય ઉપર એક પુસ્તક લખવા અમે વિનંતી કરી. શ્રી સિદ્ધચક્ર શું છે? તેની આરાધના શા માટે ? તેનાથી શું લાભ ? વગેરે પ્રશ્નોના ઉત્તર, સૂત્રોના શબ્દાર્થ અને ભાવાર્થ સહિત આ પુસ્તકમાં સુંદર રીતે ગુંથ્યા છે. વાચક વર્ગ સિદ્ધચક્રમંત્રની નિયમિત આરાધના દ્વારા કર્મનિર્જરા કરી પ્રચંડ પુણ્ય ઉપાર્જન કરે અને મોક્ષમાર્ગે આગળ વધે એ જ મંગલમય અભિલાષા.
- કિશોર અને નિમિતાના જય જિનેન્દ્ર
Jain Education International
For Personal & Private Use Only
www.jainelibrary.org
