________________
ગણિત કોયડા
(૧૭૨)
કેરીઓ કેટલી? ત્રણ છોકરા બજારમાંથી કેટલીક પાકી કેરીઓ લઈ આવ્યા. ત્યાર બાદ કામપ્રસંગે તે ત્રણેયને બહાર જવું પડ્યું. હવે પ્રથમ એ આવ્યો. તેણે જેટલી કેરીઓ હતી, તેમાંથી ત્રીજા ભાગની કેરીઓ લઈ લીધી. ત્યાર પછી વ આવ્યો. તેણે પણ. જેટલી કેરીઓ હતી, તેમાંથી ત્રીજા ભાગની લઈ લીધી. ત્યાર પછી $ આવ્યો. તેણે પણ જેટલી કેરીઓ હતી, તેમાંથી ત્રીજા ભાગની લઈ લીધી. છેલ્લે ત્રણેય જણ સાથે આવ્યા અને જેટલી કેરીઓ હતી, તેટલી સમભાગે વહેચી લીધી, તો તેઓ ઓછામાં ઓછી કેટલી કેરીઓ લાવ્યા હશે અને છેવટે ભાગ વહેચતાં દરેકને કેટલી મળી હશે?
(૧૭૩)
ચાર ચોર ચાર ચોર એક શ્રીમંતના ઘરમાંથી રૂપિયા ચોરી લાવ્યા અને એક નિર્ભય સ્થળે રોકાયા. તેમાંથી ત્રણ જણ સૂતા અને ચોથો ચોકી કરવા રોકાયો. હવે તેણે જેટલા રૂપિયા હતા, તેમાંથી ચોથા ભાગના પોતાના સમજીને લઈ લીધા. પછી ચોકીનો વારો આવતાં બીજો ચોર ઊઠ્યો, તેણે પણ પડેલ રકમમાંથી ચોથા ભાગની ૨કમ પોતાની સમજીને લઈ લીધી. ત્રીજા અને ચોથાનો વારો આવતાં તેમણે પણ એમ જ કર્યું. હવે દરેકના મનમાં કપટ હતું. એટલે ઊઠ્યા પછી જાણે કંઈ બન્યું નથી, એમ માનીને વધેલા રૂપિયાના ચાર ભાગ પાડીને લઈ લીધા. તો ઓછામાં ઓછા કેટલા રૂપિયા હશે અને દરેકના ભાગમાં કેટલા આવ્યા હશે?
Jain Educationa International
For Personal and Private Use Only
www.jainelibrary.org
