________________
૧૦
મૅડમ મજા કરે છે બકિંગહામ ચાલ્યો જતાં દ ગીશને હવે કિનારો પોતાને માટે ખુલ્લો થયેલો લાગ્યો. મશ્યોર (ફિલિપ)ને હવે કોઈની અદેખાઈ કરવાનું રહ્યું નહિ, એટલે પોતાના મિત્ર શવાલિયેર દ લૉરેઈનના હાથમાં જ પોતાની જાતનો કુલ કબજો મેંપી દઈ, તે નિરાંત માણવા લાગ્યો. બીજી બાજુ, રાજાજીને મેડમ (પોતાના નાનાભાઈ ભેંશ્યોર ફિલિપની અંગ્રેજ પત્ની પ્રિન્સેસ હેનિયેટા)ની સોબત એટલી બધી ગમતી ચાલી, કે રોજ રોજ નવાં નવાં આનંદ-ઉત્સવનાં નિમિત્તે તેમણે ઊભાં કરવા માંડ્યાં, જેથી મૅડમને પૅરીસનો વસવાટ આનંદપ્રદ થઈ પડે. - રાજાજીએ હવે ફેબ્લો મુકામે મહોત્સવની તડામાર તૈયારીઓ કરાવવા માંડી હતી, અને દરબારમાં દરેક જણ પોતાને એ મહોત્સવમાં આમંત્રણ મળે તેની જ પેરવી કરવા લાગ્યું.
દ લૉરેઈનને પરંતુ દ ગીશની અદેખાઈ આવવા માંડી. દ ગીશ હવે મોંશ્યોરના ઘરમાં જાણે અ નાખી બેઠો હતો, અને દ ગીશ કયારે મશ્યોર તથા મેડમ બંનેનો કુલ કબજો કરી બેસશે, તેનો તેને ડર લાગવા માંડ્યો. તેથી એણે એક યોજના વિચારી અને ત્યાંથી થોડા વખત માટે અચાનક એ અલોપ થઈ ગયો!
પહેલે દિવસે તો મશ્યોરે દ ગીશની સોબતનો આધાર લીધો એટલે તેમને કશી ખોટ ન લાગી; પણ દ ગીશ મેંશ્યોર કરતાં મૅડમ પાસે વધુ રહેવા ઇંતેજાર હતો, અને મેંશ્યોરને પોતાને હંમેશા આનંદ-પ્રમોદ, વાતચીત તથા નૃત્ય-સંગીતના મૅડમના જલસાઓમાં હાજર રહેવાનું ફાવતું નહિ; એટલે થોડા જ વખતમાં તે પોતાના ઓરડામાં એકલો પડી ગયો.
Jain Education International
For Private & Personal Use Only
www.jainelibrary.org
