________________
રાજાજીની મુલાકાત
૨૭૫ “હાં, ભગવાનની કસમ !”
“પરંતુ, બેલ-ઇલને પૂરેપૂરો કિલ્લેબંદ કરી રાજાજીને અર્પણ કરવાના આનંદથી તમે અમને વંચિત રાખ્યા.”
“લે, પણ તમે બેલ-ઇલ રાજાજીને આપવા ઇચ્છો છો તેની ખબર મને પહેલેથી હોય તો ને!”
તો તમે કશું જાણ્યા વિના જ બેલ-ઇલ આવ્યા હતા?”
નહિ તો? ઍરેમીસ આવા કુશળ ઈજનેર બની ગયા છે અને આવી અનોખી કિલ્લેબંદી યોજી શકે છે, એની મને કલ્પના પણ શી રીતે આવે?”
ઠીક, હું આગળ ચાલું; જ્યારે અમારી ગુપ્ત વાત તમારી જાણમાં આવી ગઈ, ત્યારે તમે રાજાજીને એ ખબર આપવા બનતી ઉતાવળે ઊપડ્યા, ખરું?”
મેં મારાથી બનતી ઉતાવળ કરી જ હતી, કારણકે તમે લોકો મારા કરતાં વધુ ઉતાવળે જતા હતા. જ્યારે બસો અઠ્ઠાવન રતલનો પૉર્ટોસ જેવો માણસ મારામારી કરતો દોડતો જાય, અને તમે તમારે માટે વાપરેલા શબ્દો પ્રમાણે ‘સંધવાથી પીડાતો પાદરી’ પણ આખે રસ્તે દોડમાર કરતો ભાગે, તો પછી મારે માની લેવું જ રહ્યું કે, મારા બે મિત્રો મારાથી કશુંક છુપાવવા માગે છે, અને તે વાતો એટલી અગત્યની છે કે, મને છેતરીને આમ દોડી જવાની તેમને જરૂર પડી છે. એટલે મેં પણ મારા પાતળા અને સંધિવા વિનાના શરીરથી કરાય તેટલી ઉતાવળ કરી.”
“પણ ભાઈ, તમને એવો વિચાર કેમ ન આવ્યો કે, તમે અજાણમાં મને તથા પૉસને કંઈક નુકસાન કરી બેસશો?”
“મને લાગ્યું તો હતું જ; પણ તમે તથા પોથૈસે બેલ-ઇલમાં મને કેવો ભટકાવ્યો હતો તે જરા યાદ કરી જુઓ.”
“અર્થાત્ તમે હવે બધું જાણી ગયા છો, એમ?” “ના ભાઈ, કશું જ નહિ.”
Jain Education International
For Private & Personal Use Only
www.jainelibrary.org