________________
બોપાઓ હૉટેલમાંથી જાકારો
૧૭૧
66
“ઠીક, તો હવે કોલકરાર થઈ ગયા; હું જાઉં છું; તમે પણ તમારી હૉટેલે જાઓ. ’
“અરે બોપા હૉટેલમાં મેં કમરો રાખ્યો હતો, પણ હવે મારી પાસેથી તે છીનવી લેવામાં આવ્યો છે. કોણ જાણે કયાંકથી ચાર ગામડિયાઓ એક ડોળીમાં કોઈ માંદા સાધુને લઈને આવ્યા અને તેને મારા ઓરડામાં જ ઉતાર્યો. મે હૉટેલવાળાને તથા એ સાધુને એ કમરો મે રોકેલો છે, એમ જણાવ્યું, તો તરત મને બારણાં બહાર ધકેલી મૂકવામાં આવ્યો. અર્થાત્ હવે મારી પાસે કોઈ ઉતારો નામની ચીજ જ નથી.' “એ સાધુ કોણ હશે? એ કોઈ પંથનો ઉચ્ચાધિકારી તો નહિ હોય?”
“મેં એને માટે એ શબ્દ બોલાતો સાંભળ્યો હતો ખરો. પણ હવે. મારે ઉતારા માટે શું કરવાનું છે?”
“અરે એ બાબતની એવડી ચિંતા શા માટે કરો છો, મહેરબાન !” તરત નીચેથી સેતેગ્નો નીકળીને બોલ્યો; “ચાલો મારા કમરામાં જગા છે, ત્યાં તમે નિરાંતે રહેજો. ત્યાં તમને કોઈ સાધુ આવીને નહિ કાઢી મૂકે.”
માલિકૉર્ન અને માંતાલે બંને જણ ચોરી કરતાં પકડાઈ ગયેલાં બાળકોની જેમ છોભીલાં પડી ગયાં. પણ માલિકૉને તરત માંતાલેને ચાલ્યા જવાનો સંકેત કર્યા, તે ચાલી જતાં માલિકૉર્ન સેતેગ્નો પાસેથી રાજાજીના પ્રેમ-પ્રકરણની બધી વિગતો ખોતરી કાઢવાની મળેલી તકનો લાભ લેવાની ઇચ્છા સાથે તરત જ સે તેગ્નોના ઉતારે જવા તૈયાર થયો.
Jain Education International
For Private & Personal Use Only
www.jainelibrary.org