Page Text
________________
સ્થવિરાવલી
भिक्खुरायत्ति, दुन्नं णिय पुव्वयाणुयमहामेहणामधिज्जगयवाहणत्ताए महामेहवाहण त्ति, तीयं णं तस्स सायरतडरायहाणित्ताए खारवेलाहिव त्ति । एसो णं भिक्खुरायो अईवपरक्कमजुओ गयाइसेणाक्वंतमहिचलमंडलो मगहाहिवं पुष्फमित्तं णिवं अहिणिक्खित्ता णियाणम्मि ठाइत्ता पुब्बिं णंदणिवग्गहियुसभेस-सोवण्णपडिमं पाडलिपुत्ताओ पच्छा घित्तूण णियरायहाणिं संपत्तो। तयणंतरं तेण भिक्खुरायणिवेण तत्थ णं कुमरगिरितित्थे पुब्विं सेणियणिवेणं कारियं जिणपासायं पुणो उड्ड(ख)त्तए । सेवणं उसभजिणिंदस्स सोवणिया पडिमा अजसुहत्थीणं थेराणं अंतेवासिहिं सुट्टिय-सुवडिवुड्डा (पडिबुद्धा) यरिएहिं पइट्ठाइया । पुव्विं णं दुवालसवासदुब्भिक्खे काले अजमहागिरिअजसुहत्थीणं थेराणमणेगे अंतेवासिया सुद्धाहारमलहिज्जमाणा तत्थ णं कुमरगिरिम्मि तित्थे कयाणसणा चत्तदेहा सग्गं पत्ता । पुव्विं तित्थयरगणहर-परूवियं पवयणं वि बहुसो विणट्ठपायं णाऊण तेणं भिक्खुरायणिवेणं जिणपवयणसंगहढें जिणधम्मवित्थरटुं च संपइणिवु व्व समणाणं णिगंठाणं णिग्गंठीणं य एगा परिसा तत्थ कुमारीपव्वय-तित्थम्मि मेलिया । तत्थ णं थेराणं अजमहागिरीणमणुपत्ताणं बलिस्सह-बोहिलिंग-देवायरिय-धम्मसेणनक्खत्तायरियाइ जिणकप्पितुलणत्तं कुणमाणाणं दुन्नि सया णिगंठाणं समागया। अजसुट्ठिय-सुवडिवुड्ड (पडिबुद्ध) -उमसाइ-सामजाइणं थेरकप्पियाणं वि तिन्नि सया णिग्गंठाणं समागया । अजापोइणीयाईणं अजाणं णिग्गंठीणं तिन्नि सया समेया । भिक्खुराय-सीचंद-चुण्णय-सेलगाइ समणोवासगाणं सत्तसया तत्थ समागया भिक्खुरायणिवभज्जापुण्णमित्ताइ-सावियाण वि सत्तसया समागया । णियभजा पुत्त-णत्तुअपभिइसमलंकियो भिक्खुराओ णं सव्वाणं णिग्गंठाणं णिग्गंठीण य नमंसित्ता एवं वयासी-भो महाणुभावे ! अह तुम्हे वद्धमाणतित्थयरपरूवियधम्मप्पभावणवित्थरट्ठा णं सव्वपरक्कम्मत्ताए उजमह! इइ तेणुत्ता सव्वे वि णं णिग्गंठा णिग्गंठीओ य सम्मया । तयणंतरं लद्धटेणं तेणं भिक्खुरायणिवेणं णाणाविहभत्तिजुत्तेणं पूइया सक्कारि-सम्माणिया ते णं णिग्गंठा णिग्गंठीओ य मगह-महुरा-वंगाइ-जणवएसु तित्थयरपरूवियजिणधम्मप्पभावणट्ठा णिग्गया । तयणंतरं तेणं भिक्खुरायणिवेणं तत्थ कुमर-कुमारीगिरिजुयलुप्पिं जिणपडिमालंकिया णेगे
Jain Education International
For Private & Personal Use Only
www.jainelibrary.org
| SR No. | 005025 |
| Book Title | Sthaviravali ane Teni Aaspas |
| Original Sutra Author | N/A |
| Author | Gunsundarvijay |
| Publisher | Jinshasan Aradhana Trust |
| Publication Year | 2007 |
| Total Pages | 232 |
| Language | Gujarati |
| Classification | Book_Gujarati |
| File Size | 11 MB |