________________
મગજ અને જ્ઞાનતંતુના રોગો ખેંચમુક્ત થયેલાં જણાયાં છે અને એટલા જ બીજા દર્દીઓની ખેંચ ઘણી ઘટી હોય તેવું જણાયું છે. શરૂઆતમાં બાળકોને આ પ્રકારનો ખોરાક લેવો અઘરો લાગે છે પરંતુ ધીરે ધીરે બાળક ટેવાઈ જાય છે, જો કે અમુક અન્ય રોગોમાં આ પ્રકારનો ખોરાક આપી જ ન શકાય. - આશરે ૧થી ૨ વર્ષ સુધી ડૉક્ટરની દેખરેખ હેઠળ આવો ખોરાક લેવાથી સારું પરિણામ મળે ખરું. આમાં માતા-પિતાએ પણ અગત્યનો ભાગ ભજવવાનો હોય છે. સર્જરી કે VNS જેવી આ ખર્ચાળ પદ્ધતિ નથી. દર્દીને શરૂઆતમાં રથી ૩ અઠવાડિયા ડૉક્ટરની દેખરેખ હેઠળ હોસ્પિટલમાં રાખવો હિતાવહ છે. યોગ્ય કેસમાં આ પ્રકારની સારવાર જરૂર અજમાવી શકાય.
સમય જતાં નવી શોધખોળ, નવી પદ્ધતિઓ (જેમ કે ટારગેટેડ ડ્રગ ડિલિવરી), નવી સર્જિકલ ટેનિક, કોષ પ્રત્યારોપણ વગેરે દ્વારા ખેંચના દર્દીનું ભવિષ્ય બદલાઈ જશે તે નિઃશંક છે. ખેંચના દર્દીએ નિરાશ થવાની જરાયે જરૂર નથી.
ખેંચ એ પ્રચલિત રોગ હોવાને લીધે આટલી ચર્ચા કરવી જરૂરી લાગ્યું છે જેથી કરીને દર્દીને-પરિવારજનોને આ રોગ વિશે પૂરતી માહિતી મળી રહે.
વાઈસંબંધી કેટલીક ગેરમાન્યતાઓ હજી પણ પ્રવર્તે છે; તેથી કેટલીક વાર દર્દી યોગ્ય સારવારથી વંચિત રહી જાય તેવું પણ જોવા મળે છે (૧) વાઈ એ માનસિક બીમારી છે. આ સત્ય નથી. (૨) વાઈનો હુમલો ચાલુ હોય ત્યારે દર્દીના હાથમાં લોખંડનો
ટુકડો દબાવી રાખવો અથવા ડુંગળી કે જૂતાં (ચંપલ) સુંઘાડવાં. આ માન્યતા ખોટી છે. હકીકતમાં મોટે ભાગે એકથી પાંચ મિનિટમાં વાઈનો હુમલો જાતે જ અટકી જતો હોય છે.
Jain Education International
For Private & Personal Use Only
www.jainelibrary.org
