________________
લબિ તણા ભંડાર અંતરંગના રાગાદિ ભાવથી સંસારનાં સુખને ભોગવવાનું જાણતો નથી, તે સાંસારિક સુખથી મુક્ત છે.
આ વેદવાક્યો મુક્તાત્માનું સ્વરૂપ સમજાવે છે. તે સંસારી જીવોને લાગુ પાડવા નહિ. સંસારી જીવને શુભાશુભ કર્મનો બંધ છે અને તે શુભાશુભ કર્મનો નાશ થતાં મોક્ષ થઈ શકે છે.
મંડિત પંડિત પોતાની સર્વ શંકાનું સમાધાન થતાં પરમ સંતુષ્ટ થઈ, પોતાના ત્રણસો પચાસ શિષ્યો સહિત પ્રભુ પાસે દીક્ષિત થયા. તે છઠ્ઠા ગણધરપદને પામ્યા.
૭ ગણધર મોર્યપુત્ર શંકા - દેવો છે કે નહિ को जानाति गीर्वाणान् इन्द्रयमवरुणकुबेरादिन"
ઈન્દ્ર, યમ, વણ, કુબેર જેવા માયાજાળી દેવોને કોણ જાણે છે ? માટે દેવોના અસ્તિત્વ જેવું કંઈ છે નહિ તેમ તું માને છે. સમાધાન : - “હે મૌર્યપુત્ર ! તું વિચારે છે કે ઈંદ્રાદિ દેવો માયારૂપ છે. વસ્તુસ્વરૂપે કંઈ નથી. વળી તું એમ જાણે છે કે નારકીઓ તો પરતંત્ર અને અત્યંત દુ:ખી છે, તેથી અહીં આવી શક્તા નથી. પણ દેવો તો પ્રભાવશાળી અને સ્વતંત્ર છે તેથી અહીં આવવાને શક્તિમાન છે, છતાં દૃષ્ટિગોચર થતાં નથી, તેથી તેઓનું અસ્તિત્વ જ નથી. વળી બીજી બાજુ તું શાસ્ત્રની યુક્તિથી જાણે છે કે અમુક કૃત્ય કરવાથી દેવલોકમાં જવાય છે. જો દેવ ન હોય તો દેવલોક ક્યાંથી હોય?
વળી તું પોતે જ સમવસરણમાં તારી નજરે દેવોને જુએ છે. સૂર્ય-ચંદ્રાદિનાં વિમાનોને સહુ લોકો જુએ છે. તેથી દેવલોક અને દેવોનું અસ્તિત્વ છે. પરંતુ તેને વેદવાક્યથી જે શંકા છે તે દેવોનું આયુષ્ય પૂરું
Jain Education International
For Private & Personal Use Only
www.jainelibrary.org
