Page Text
________________
લબિ તણા ભંડાર આવા અનેકગૂણોથી શોભાયમાન તે સર્વજ્ઞ છે.
ઇન્દ્રભૂતિ : ભલે તે ગમે તેવો શોભાયમાન કે શક્તિયુક્ત હોય પણ મારા જેવા શાસ્ત્રજ્ઞ વિદ્વાનને તે પ્રભાવહીન કરી શકશે નહિ. - મનુષ્યોના મુખેથી સર્વજ્ઞની આવી વિશેષતા સાંભળી ઇન્દ્રભૂતિના આવેશરૂપી અગ્નિમાં જાણે ઘી હોમાયું હોય તેમ તે પ્રદીપ્ત થયો. યાયિા પડતી મૂકી સહસા તે મહાસન વન તરફ જવા તત્પર થયો.
ઇન્દ્રભૂતિ વિચારવા લાગ્યો કે, ખરેખર આ નગરમાં કોઈ ધૂર્ત ઘૂસી ગયો છે, એને રંગમાં ભંગ પાડ્યો છે. હાથી કમળને મૂળમાંથી ઉખેડી નાંખે તેમ આ ધૂર્ત યજ્ઞધર્મને ઊખેડવાનો વ્યર્થ પ્રયત્ન કર્યો છે. તેની પાસે જઈને ઊભો રહીશ ત્યારે તે ક્ષણમાત્ર પણ ટકી શકશે નહિ!
જેમ ક્ષત્રિય પોતાના પરાજયને સહન કરતો નથી તેમ પ્રખર પંડિત આવા પાખંડીઓને સહન કરતા નથી. કેટલાયે પંડિતો મારા વડે પરાજય પામ્યા છે, પણ વળી મગમાં કોરડું રહી જાય તેમ આ એક રહી ગયો છે. આમ વિચારી તેણે અગ્નિભૂતિને કહ્યું કે, હું તેને જીતીને ક્ષણમાત્રમાં પાછો આવું છું..
અગ્નિભૂતિ : હે વડીલ ભ્રાતા! સામાન્ય એવા વાદીને જીતવા આપને શા માટે જવું પડે ! આ કામ તો આપનો એક શિષ્ય પણ કરી શકે તેમ છે, અથવા આપની આજ્ઞા હોય તો તે કામ હું જ પતાવી લઉં.'
ઇન્દ્રભૂતિ: તારી વાત સાચી છે, પણ તું જાણે છે કે વાદીનું નામ સાંભળતાં મારાથી રહેવાતું નથી. વળી હમણાં થોડાં સમયથી આવા અવસરનો પણ દુકાળ હતો. તેમાં વળી આ સંયોગ મળ્યો છે. તેથી મને જવાદે. આવા એકાદ વાદીના બાકી રહેવાથી મારી વિજયપતાકાનો યશ અપૂર્ણ મનાશે મજબૂત કિલ્લાની એક ઈટ ખસતાં કિલ્લો રક્ષણ રહિત કહેવાય છે, તેમ આ એક વાદીને છોડી દઉં તો મારો વિજય વ્યર્થ થશે. અગત્યસ્ય મુનિ સમુદ્રનું પાણી પી ગયા ત્યારે કોઈ ખાબોચિયું રહી જાય તેમ આ બીજો સર્વજ્ઞ? અશક્ય, અસંભવ જણાય છે. આમ ઇન્દ્રભૂતિની આકૂળતા હવે વૃધ્ધિ પામતી હતી.
૩૯
Jain Education International
For Private & Personal Use Only
www.jainelibrary.org
| SR No. | 004905 |
| Book Title | Labdhitana Bhandar |
| Original Sutra Author | N/A |
| Author | Sunandaben Vohra |
| Publisher | Sunandaben Vohra |
| Publication Year | 1992 |
| Total Pages | 210 |
| Language | Gujarati |
| Classification | Book_Gujarati |
| File Size | 11 MB |