Page Text
________________
વિસ્તાર છે.)
અઢાર હજાર શીલના આચારથી સાધુ રાગદ્વેષના મૂળિયાને મૂળમાંથી ઉખેડી નાંખે છે. કોઈ પ્રકારે શુદ્ધ બુદ્ધ આત્મા પર છવાયેલા ગાઢ આવરણોના જડને મૂળમાંથી નષ્ટ કરે છે.
આચારાંગ સૂત્રમાં સાધુજીવનની ભવ્યતા, પવિત્રતા, અપ્રમાદ જેવા ગુણો ભરપૂર બતાવ્યા છે. તેનો ગુગમે અભ્યાસ કરવાથી તે સાધુ મહાત્મા કાળ કે કર્મથી પરાજિત થતા નથી. પણ જે આ મહાગ્રંથનું અભ્યાસ, મનન, ચિંતન નથી કરતા તે સાધુજનો કષાયાધીન થઈ સાધુપણુ ગુમાવે છે.
જેમ જેમ જિનપ્રણિત તત્ત્વોનો અભ્યાસ વધશે તેમ તેમ યથાર્થતા સમજાશે. જીવનમાં આચારાંગના સૂત્રો આચાર દ્વારા એવા છવાઈ જશે કે તમારું બધું જ અસ્તિત્વ આચારાંગમય બની જશે. જેથી વિષય કષાયાદિ જેવા શત્રુ સ્વયં દૂર થઈ જશે.
શ્રમણ કે શ્રમણીએ આચારાંગના મર્મને સમજીને પ્રસાદનો ત્યાગ કરીને તત્ત્વજ્ઞાનમાં ડૂબી જવું જોઈએ. જેથી ઈન્દ્રિયના વિષયો, તેના સંસ્કારો, કષાયોના વિકારો સાધનાથી વિચલીત ન કરે. સંયમના યોગોનું નિરંતર સેવન કરે. સર્વ સંગ પરિત્યાગ કર્યા પછી પણ જો અંતઃકરણની શુદ્ધિ થઈ નથી તો કર્મજનિત ઉપાધિ ટળતી નથી.
નિશ્ચયથી તો આત્મસ્વરૂપમાં રમણતા, વૈરાગ્યથી ભરપૂર ઉપયોગને ચારિત્ર કહ્યું છે. તે જ શ્રમણપણું છે. બાહ્યવેષ કે બાહ્યાચારથી મુક્તિ નથી પરંતુ જેટલો કષાયાદિનો અભાવ, સ્વભાવ રમણતા તેટલો મુનિધર્મ છે. બાહ્યાચાર પણ અંતરંગ આચાર વગરનો વ્યર્થ છે.
શ્રી આચારાંગ આદિ સૂત્રોની પવિત્રતા અને બોધનું માહભ્ય એ છે કે તેના અધ્યયન આરાધનાની પાત્રતા માટે સંયમધારીએ યોગ્દવહન કરવાના હોય છે. ત્યારપછી તેઓ અન્ય શાસ્ત્રનો વિનિયોગ કે અભ્યાસ કરી શકે છે.
ક ૧૬. સુખ વૈરાગ્યનું :
ગ્રંથકારશ્રી કહે છે કે હે મુનિરાજ, એકવાર નિર્ણય કરી લેવો કે મારે રાગાદિજન્ય સુખ નથી જોઈતું પણ નિર્ભેળ સુખ જોઈએ છે. આત્માનું સ્વાધીન સુખ પ્રાપ્ત કરવું છે તો પુરૂષાર્થમાં લાગી જાઓ તે તમારા આંતર વૈભવમાંથી પ્રગટ થશે, તે માટે આટલું કરો. પ્રશમરતિ
૧૩૫
સુખ વૈરાગ્યનું
Jain Education International
For Private & Personal Use Only
www.jainelibrary.org
| SR No. | 004899 |
| Book Title | Granthtraya Anushilan |
| Original Sutra Author | N/A |
| Author | Sunandaben Vohra |
| Publisher | Sunandaben Vohra |
| Publication Year | 2010 |
| Total Pages | 298 |
| Language | Gujarati |
| Classification | Book_Gujarati |
| File Size | 15 MB |