Page Text
________________
આહંત જીવન જ્યોતિ જમીનથી ૧૦૦૦૦+૫૦૦૦+૫૦૦૦ એટલે કે ૨૦૦૦૦ હાથ યાને અઢી ગાઉ ઊચા એવા એ ત્રીજા રામય ગઢના મધ્ય ભાગમાં સિંહાસન રચાય છે. એના ઉપર બેસીને તીર્થંકર પ્રભુ દેશના દે છે અને એ દેશના એ ગઢમાં બેઠેલા મનુષ્ય અને દેવો સાંભળે છે.
આ પ્રમાણે જે ત્રણ ગોળાકાર ગઢો રચાય છે તે દરેક ગઢની ભીંતની ઊંચાઈ ર૦૦૦ હાથ એટલે કે ૫૦૦ ધનુષ્ય જેટલી હોય છે અને એની જાડાઈ ૩૩ ધનુષ્ય જેટલી હોય છે.
દરેક ગઢને એકેક દિશામાં એકેક દરવાજો હોય છે, અને એ રન બનાવાય છે. દરવાજે દરવાજે વનવ્યંતરો ધજા, છત્ર, આઠ મંગળો, પૂતળી, પુષ્પમાળા, વેદિકા, કળશ, મણિનાં ત્રણ તરણું અને ધૂપદાની રચીને એની શોભામાં વધારો કરે છે.
સૌથી બહારના એટલે કે પહેલા ગઢના ચાર દરવાજામાંથી કોઇ પણ દરવાજે પહોંચવા માટે દસ હજાર પગથિયાંવાળી નીસરણી ચઢવી પડે છે. આ પ્રમાણે પહેલા ગઢ જવા માટે એકેક દિશામાં એકેક નસરણી હોય છે. એ પ્રત્યેક નીસરણીનું પગથિયું એક હાથ પહોળું, દરવાજાના મુખ જેટલું લાંબુ અને એક બીજાથી એક હાથ ઊંચું હોય છે. એ દરેક નીસરણીનું સૌથી નીચેનું પગથિયું વાયુકુમારે પ્રમાર્જિત કરેલી ભૂમિ ઉપર હોય છે. દસ હજારમું એટલે કે છેલું પગથિયું પીઠબંધ સાથે જોડાયેલું હોય છે, અને બાકીનાં ૯૯૯૮ પગથિયાં ભૂમિથી અદ્ધર હોય છે. એ ૧૦૦૦૦ પગથિયાં સૌથી બહારના રૂપાના ગઢની બહાર હોવાથી યોજનપ્રમાણુ સમવસરણમાં તેની ગણના કરાતી નથી. એ સૌથી બહારના ગઢની અંદરની ભીંતથી ૫૦ ધનુષ્ય જેટલી સપાટ જમીન વટાવી જતાં બીજે ગઢ જવાની નીસરણી આવે છે. એ નીસરણીને ૫૦૦૦ પગથિયાં હોય છે. આથી પ્રથમ ગઢની બહારની ભીંતથી તે બીજા ગઢની બહારની ભીંત વચ્ચેનું અંતર ૩૩ ધનુષ્ય+પ૦ ધનુષ્ય+૫૦૦૦ હાથ એટલે કે ૧૩૩૩ ધનુષ્ય જેટલું છે. બીજા ગઢની અંદરની ભીંતથી ૫૦ ધનુષ્ય જેટલી સપાટ જમીન વટાવતાં બીજા ગઢે જવાની નીસરણી આવે છે. એને પણ ૫૦૦૦ પગથિયાં હોય છે. આથી બીજા ગઢની બહારની ભીંતથી ત્રીજા ગઢની બહારની ભીંત વચ્ચે પણ ૩૩ ધનુષ્ય-પ૦ ધનુષ્ય+૫૦૦૦ હાથ એટલે કે ૧૩૩૩ ધનુષ્ય જેટલું અંતર છે.
Jain Education International
For Private & Personal Use Only
www.jainelibrary.org
| SR No. | 004887 |
| Book Title | Arhat Jivan Jyoti |
| Original Sutra Author | N/A |
| Author | Hiralal R Kapadia |
| Publisher | Bhagwanlal Pannalal |
| Publication Year | 1942 |
| Total Pages | 98 |
| Language | Gujarati |
| Classification | Book_Gujarati |
| File Size | 4 MB |