________________
છઠ્ઠી કિરણાવેલી દુર્જનો જે સુખ ભોગવે છે તે અત્યારે તેમનાથી કરાતા અધર્મનું ફળ નથી, પરંતુ પૂર્વ ભવમાં તેમણે કરેલા પુણ્યનું ફળ છે.
પુણ્યાનુબંધી પાપ–ગયા જન્મમાં પાપ કરાયું હોય તેના ફળરૂપે અત્યારે દુખ અનુભવાય, પણ એ દુઃખ ભોગવતી વેળા ધર્મ કરવા તરફ ચિત્ત રહે અને એથી સદાચારી જીવન જીવાય તે પાપ પુણ્યાનુબંધી પાપ' કહેવાય છે, કેમકે આ પાપ જન્માંતર માટે પુણ્યનો બંધ કરાવવામાં કારણરૂપ છે. આ પાપના ઉદયથી આ ભવમાં દુઃખ ભોગવવું પડે, પરંતુ પરભવમાં તે સુખ જ મળે.
પાપાનુબંધી પાપ–ગયા જન્મમાં જે પાપ કરાયેલાં હોય તેના ઉદયથી જીવ આ ભવમાં દુઃખ ભોગવે તેમ છતાં તે ઉપરથી ધડો ન લેતાં દુષ્ટ કાર્યો કર્યા કરે અને તેમ કરી પાપનાં પોટલાં બાંધે તે પાપ પાપાનુબંધી પાપ” કહેવાય છે. આના ઉદયથી જીવ આ ભવમાં અને પરભવમાં પણ દુઃખી થાય છે.
આ દુનિયામાં જે રાજાઓ, ધનિકો વગેરે સુખી છે અને પવિત્ર જીવન ગાળે છે તેઓ પુણ્યાનુબંધી પુણ્યવાળા જાણવા.
જે રાજાઓ, ધનિકો વગેરે અત્યારે મોજ કરે છે, પરંતુ પરભવના ભાથા તરીકે પુણ્યનું ઉપાર્જન ન કરતાં પાપ બંધાય એવી પ્રવૃત્તિઓ કરે છે તેઓ પાપાનુબંધી પુણ્યવાળા, જાણવા.
જેઓ આ ભવમાં ગરીબાઈ વગેરે દુખથી પીડાય છે છતાં સદાચારને છોડતા નથી તેઓ પુણ્યાનુબંધી પાપવાળા જાણવા.
જેઓ દરિદ્રી અને દુઃખી છે છતાં હજી દુષ્ટ કર્મ કરવામાં તલ્લીન રહે છે તેઓ પાપાનુબંધી પાપવાળા જાણવા.
Jain Education International
For Private & Personal Use Only
www.jainelibrary.org
