Agam 01 Ang 01 Acharanga Sutra Part 07

SR No.: 004831
Original Sutra Author: N/A
Author: Ramchandrasuri
Publisher: Sanmarg Prakashan
Publication Year: 2001
Total Pages: 314
Language: Gujarati
Classification: Book_Gujarati, Agam, Canon, & agam_acharang
File Size: 14 MB

Page 239

1931
૧૪ : જાણ્યા વિના બોલવાનો અધિકાર નહિ : ૧૩૦ — ૨૨૩
વિધિની ભાવનાએ થતી અવિધિ ઘાતક નથી :
સંપૂર્ણ વિધિ શરુઆતમાં કદી ન થાય. વિધિની ભાવનાએ થતી અવિધિ ઘાતક નથી. અભ્યાસ વગર દુનિયાની એક પણ કળા શિખાતી નથી. કચરો કાઢતાં પણ શીખવો પડે છે, નહિ તો કાઢે થોડો અને ભરે ઘણો. બધામાં શિક્ષણ જોઈએ અને અહીં જ નહિ ? વગર ભણ્યું અને વગર જાણ્યે આ બધી ધમાલ કેમ કરી રહ્યા છે તે સમજાતું નથી. બંધારણ નાશ પામ્યાં છે. જો એ જીવતાં હોત તો આ બધાને વીણી વીણીને બહાર કરાયા હોત. કચરો કાઢવાનું કામ પણ ‘આવડે છે’ એમ કહે તો શેઠ નોકરીએ રાખે અને મહિને પાંચ પચાસનો પગાર આપે, પણ તેમાંયે હાથનો ચોખ્ખો જોઈએ, નહિ તો ન ચાલે. કચરામાંથી મળેલી એક પાઈ પણ ખીસામાં ન મૂકે એવો જોઈએ. આજે તો જેને ખાતાં પીતાં કે બોલતાં પણ આવડતું નથી એ પણ દીક્ષાનો વિરોધ કરે છે. નોકારશીમાં જમવા જાય તે પણ જાણે ‘બાપાનો માલ' એ રીતે બગાડ કરે. ઘરે શાક કેટલું ફેંકી દો છો, અને નોકારશીમાં કેટલું છાંડો છો ? ખાય એનું જ ખોદે એમાંની જમાત છે. એક મોટા નળામાં પાણી ભર્યું હોય એમાં એઠા પ્યાલા પણ બોળે. આ પાણી પીતાં આવડ્યું કહેવાય ? આ રીતે એમાં લાળિયા જીવો ઉત્પન્ન થાય, એવાં રોજ વર્ણન થાય છતાં સુધારો નથી થતો. શ્રાવકો જમતા હોય ત્યાં દેખાવ કેવો હોય ? આ બધા પાછા દીક્ષાના વિરોધી. તેમની ફિલોસોફી સાંભળીને હસવું ન આવે તો શું થાય ? આ ચેપી રોગનો તો આજે મેનિયા ફાટ્યો છે. મરકી તથા પ્લેગથી પણ એ ભયંકર છે. પ્લેગના ઉંદરની હવાથી તો નસાય અને બચાય, પણ આ પાપાત્માઓની હવાથી કેમ બચાય ? કારણ કે આ હવા તો ઠામ ઠામ અને ગામેગામ ફેલાયેલી છે. ભાગીને જાઓ પણ ક્યાં ? ગામડાનો એક માણસ શહેરમાં આવે એટલે એ પણ બોલવા મંડી પડે કે ‘દીક્ષા અયોગ્ય અને પૂજાબૂજા આ જમાનામાં પાલવે નહિ.’
જૈનેતર પત્રકાર શું કહે છે ?
જાણ્યું એટલું જ બોલવું આ સૂત્ર માન્ય હોય તો તો સાચા સુધારક માનું. જે વાત વિષે બોલવું હોય એનો અભ્યાસ કરો. પ્રામાણિક જૈનેતર પત્રકાર પણ હવે તો કહે છે કે ‘ચર્ચા કરનારા આવા બાલિશ અને અયોગ્ય હશે તે અમે નહોતા જાણતા. એમને ડાહ્યા માનીને એમના લેખોને સ્થાન આપતા હતા. આ તો