Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 90

આસો સુદ-૩
સુપક્ષથી યુક્ત ધર્મને યોગ્ય અધિકારીનો ૧૪મો ગુણ છે સુપક્ષથી યુક્ત હોય.
સુપક્ષથી યુક્ત એટલે સત્સંગવાળો. તેની આજુ-બાજુના બેઠકિયા સારા હોવા જોઈએ. આ બહુ અગત્યની ચીજ છે.આજે સારા-સારા માણસો પણ ખરાબ માણસની બેઠકને લીધે દારૂડિયા-જુગારી બની ગયા છે. સારા માણસની સોબતથી આપણે કદાચ દુર્વ્યસની હોઈએ ને તો પણ ધીમે-ધીમે સુધરી જઈએ. મુંબઈ જેવા શહેરમાં સત્સંગ હશે તો જ બચાશે. નહીંતર પગ લપસતાં વાર નહીં લાગે. સત્સંગથી ભયંકર ખૂંખાર બહારવટીયો પણ સજ્જન બની ગયો. ડાકુમાંથી સંત બનાવ્યો કોણે?
એક બહારવટીયો હતો. ખૂનો-લૂંટફાટ તેનો ધંધો. રાતદિન તેમાં જ મશગુલ. એકવાર એક સંતનો તેને ભેટો થયો. સીધૂનાં ને પુષ્યમ્ | સંતોનું દર્શન પણ પુણ્યને ખેંચી લાવનારું છે તો પછી તેના સંગની તો વાત જ શી ? કબીરે એક જગ્યાએ લખ્યું છે કે –
“કબીર સંગત સાધુ કી, હરે આધિ ઔર વ્યાધિ,
બૂરી સંગત અસાધુકી, આઠો પોર ઉપાધિ.” સજ્જનના સંગથી માણસના દુઃખ-દર્દો દૂર થાય છે જ્યારે દુર્જનના સંગથી આઠે પહોરની ઉપાધિને માણસ વહોરે છે. સંતના દર્શનથી જ આ લૂંટારાનું મન શાંત બની ગયું. સંતની પાસે બેસવાની તેને ઈચ્છા જાગી. તેમની પાસે બેઠો. સંતે જોયું કે લાગે છે બહારવટિયો પણ હૃદય કાંઈક પીગળ્યું લાગે છે માટે તેને સમજાવવાની કોશિષ કરી. સંતે પૂછયું કે તું શું કરે છે? તેણે કહ્યું મારવું અને લૂંટવું આ મારો ધંધો છે. અરર ! એક પેટના ખાડાને પૂરવા માટે તું આટલી ક્રૂરતા આચરે છે, કેટલા લોકોની હાય તું વહોરે છે. કુટુંબના એક મોભીને તું મારી નાખે તો તે આખું કુટુંબ પાયમાલ બની જાય તેની તને કેટલી હાય લાગે. આવા તો હજારો કુટુંબોની હાય તે લીધી છે. તારું શું થશે? શાસ્ત્રકારો કહે છે કે કોઈની પણ હાય ન લેશો.