Page Text
________________
આસો સુદ-૧
ગુણાનુરાગી ધર્મરૂપી કિંમતી લોકરની ચાવી
પરમકૃપાળુ પરમાત્મા આપણું કેમ કલ્યાણ થાય તેના માટે ચાવીઓ બતાવી રહ્યા છે. લોકરમાં ગમે તેટલું ભરેલું હોય પણ જો ચાવી ન હોય તો અંદર હીરા-મોતી-માણેક જોવા મળે ખરા ! ચાવી એ મોટી સફળતા છે. મહાપુરુષો પણ ધર્મરૂપી કિંમતી લોકરની ચાવીઓ બતાવી રહ્યા છે. એક વર્ગ એવો છે કે જે ખાવા-પીવાની મોજ મઝામાં ડૂબેલો છે તેને તો ઈશ્વર નામનું કોઈ તત્ત્વ છે જ નહીં ? અથવા પુણ્ય કે પાપ આવું કંઈ પણ જાણવાજોવાની તમન્ના નથી. તે તો “રોટી-કપડા ઓર મકાન' બસ આટલું જ મેળવવામાં ડૂબેલો છે. વળી રોટી-કપડા અને મકાન મળી ગયા પછી પણ તેમાં તેને સંતોષ તો નથી જ. તેમાં વધારો કરવા પાછું વળીને જોતો નથી. ધંધામાં જોયા વિના ઝુકાવે છે અને પછી પોક મૂકીને રોવા બેસે છે. પૈસો કમાવો એ જોખમી છે. પૈસો આવે તેમ માણસને જાનનું જોખમ વધતું જાય છે. માણસ જેમ-જેમ છૂટવા માટે પ્રયત્ન કરે તેમ-તેમ વધારેને વધારે ઉંડો ઉતરતો જાય. સુખની લાલસાથી સંસાર માંડયો પણ દુઃખની પરંપરાઓ ઉભી થઈ. તૃષાતુર વાંદરો
એક વાંદરો જંગલમાં ફરતો હતો. તેને ખૂબ તરસ લાગી.... પાણીની શોધમાં આમ-તેમ અથડાતો હતો. ત્યાં તેણે કોઈ પથ્થરમાંથી પાણીનું ઝરણું વહેતું હતું તે ધોધની જેમ નીચે પડતું હતું. પાણી પાસે પહોંચ્યો. ખૂબ તૃષાતુર હતો એટલે તરત જ પાણીમાં મોટું નાખ્યું. હકીકતમાં તે પાણી નહોતું પણ શીલાજીત નામના રસનો ઝરો વહેતો હતો. તે રસ અત્યંત ચીકણો તેથી વાંદરાનું મોટું તેમાં ચોંટી ગયું. હવે મોઢાને રસથી છૂટું પાડવા લાંબી બુદ્ધિ તો દોડે નહીં, તેથી બે હાથની મદદ લીધી. ત્યાં તો બન્ને હાથ ચોંટી ગયા. હવે હાથને છૂટા પાડવા માટે પગનો ટેકો લીધો તો પગ પણ ચોંટી ગયા. ઘણાં તરફડિયાં માર્યા પણ બધા વ્યર્થ નીવડયા છેવટે મય પામ્યો
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |