Page Text
________________
૧૯૮ વડીલવર્ગને પડતો મૂકીને બીજા સાથે જોડાઈ જશે. અહીં તો યાજજીવ ગુરુકુળવાસમાં જ રહેવાનું હોય એના બદલે ગુરુને છોડી પોતાનો ચોકો જમાવશે. ગુરુની હાજરીમાં આગળ આવવાનો ચાન્સ મળતો નથી. માટે ગુરુથી છૂટો પડીને વિચરશે. શ્રાવકો પણ ઉત્તમમાં ઉત્તમ જ્ઞાન જ્યાં પીરસાતું હશે તેને છોડીને અલીબાબા ૪૦ ચોરની વાર્તા જેવી વાર્તાઓ સાંભળવા પહોંચી જશે. એક યુગ હતો. શ્રાવકને પૂછવામાં આવતું, શું સાંભળ્યું છે? તો કહેશે કે ફલાણા સાધુ મહારાજ પાસેથી આચારાંગ સાંભળ્યું છે, ફલાણા મહારાજ પાસેથી ઉત્તરાધ્યયન સાંભળ્યું છે, ફલાણા પાસેથી ભગવતી સૂત્ર સાંભળ્યું છે. આજે શાસ્ત્રોની વાતો સાંભળનારાઓ ઓછા છે અને સંભળાવનારાઓએ ઓછા છે બધાને હાસ્યમાં જ રસ છે.
૫. પાંચમું સ્વપ્ર - પાંચમા સ્વપ્રમાં મરેલા સિંહને જોઈને લોકો ડરે છે. ભગવાન કહે છે કે જિનેશ્વર ભગવાનનું દર્શન સિંહ જેવું છે અત્યારે ભલે નષ્ટ થઈ રહ્યું છે. ભાંગ્યું તોય ભરૂચ. મરેલો પણ સિંહ છે ને ! જૈન દર્શનનો નવદીક્ષિત સાધુ અને અન્યદર્શનનો ઘણો જૂનો સંન્યાસી. બન્નેની સરખામણી કરીએ તો આસમાન-જમીનનો ફરક પડે. જૈન દર્શન ભલે મરેલા સિંહ જેવું હોય પણ તેની તુલનામાં કોઈ દર્શન આવી શકે તેમ નથી. બીજા ધર્મ ગુરુઓ પાસે જાઓ ને પૂછો તો કહેશે કે તમારા આચારો બહુ કડક છે. રાત્રે ખાવાપીવાનું નહીં, ખુલ્લા પગે ફરવાનું, કોઈ વસ્તુ જાતે બનાવવાની નહીં. કેટલું દુષ્કર છે. પરદર્શનને ભય ઉપજાવનારું છે. જૈન સમાજ મુઠી જેવડો છે છતાં બીજો કોઈ સમાજ તેની તોલે નહીં આવે. એકે જૈન ઘેટું-બકરું કે ગાય-ભેંસ રાખે છે ? ના, છતાં તેમની પાછળ કરોડો રૂપિયા ખર્ચે છે ને! પાંજરાપોળો ચલાવે છે બીજે કયાંય પાંજરાપોળો જોવા મળે છે ? આટલો નાનો સમાજ હોવા છતાં બધા સમાજમાં તેનું મહત્ત્વ છે. તેનાં દાન-શીલ તપ અને ભાવ ઉત્તમ કોટીના છે.
૬. છઠ્ઠું સ્વપ્ર - છઠ્ઠા સ્વપ્રમાં મેં સરોવરમાં કમળની ઉત્પત્તિ થવાને બદલે ઉકરડામાં કમળની ઉત્પત્તિ જોઈ.
ભગવાન કહે છે કે સમય એવો પડતો આવશે કે મહાપુરુષો ઉત્તમ
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |