Page Text
________________
૧૮૯
જન્મ વેડફી ન નખાય. મને તે એમ થાય છે કે સસરાજી પાસે આટલું બધું હોવા છતાં આપણે કોઈ દિવસ બે પૈસાનું દાન પણ ન આપી શકીએ. પરોપકારનાં કોઈ કાર્યો પણ ન કરી શકીએ. કેવું જીવન આપણું વેડફાઈ રહ્યું છે? થડની પાછળ બેઠેલો સસરો આ ચારે વહુની વાતો સાંભળે છે. ચોથી વહુનું કથન તેને ખટકયું. તેણે વિચાર્યું કે શું આ કમાઈએ છીએ, આટલી મહેનત કરીએ છીએ તે શું કોઈને આપી દેવા માટે થોડી છે? આને તો મારે બરાબર પાઠ શીખવાડવો પડશે. આમ વાતો કરતાં-કરતાં વંટોળ શમી જતાં ચારે વહુઓ ખેતરે ઉપડી... સસરો પણ ખેતરે પહોંચી ગયો. સસરાએ ઘેર આવીને મોટી વહુને કપડા વ્હાલાં હતાં તેથી તેણે સારા-સારાં કપડાં લાવી આપ્યા. સોનું વહાલું હતું તેને સારા દાગીના ઘડાવી આપ્યા. ત્રીજી વહુને ખાવાનું વ્હાલું હતું તેથી તેને સારી સારી મીઠાઈઓ લાવી આપી. ચોથી વહુને કાંઈ આપતા નથી. ઉલ્ટાનો ઘરમાં તેનો હવે તિરસ્કાર થવા લાગ્યો. આખો દિવસ કામનો ઢસરડો કરવાનો છતાં કોઈ માન-પાન નહીં. સારું ખાવાનું પણ ન આપે. આ વહુ મનમાં ને મનમાં મુંઝાવા લાગી. તેણે વિચાર્યું કે મેં કોઈ ગુન્હો કર્યો નથી. છતાં મારા તરફ આવું વર્તન કેમ ? લાગે છે કે તે દિવસે વડની નીચે થયેલી વાતો સસરાજીએ સાંભળી લાગે છે. પણ એમાં મેં શું ખોટું કહ્યું છે? બધાને એમની મનગમતી ચીજો મળી ગઈ. મારી જ ઉપેક્ષા થાય છે. તેણે પોતાના પતિને વાત કરી. પતિએ પણ જોયું કે આના વિચારો ઘણાં ઉંચા છે મારે એની ઈચ્છા પૂર્ણ કરવી જોઈએ. તે કોઈને કહ્યા વિના પરદેશ કમાણી કરવા નીકળ્યો. મનમાં એક જ વિચાર છે.. પત્નીને બીજાનું ભલું કરવાની જે ભાવના છે તે મારે પૂર્ણ કરવી છે. બીજાનું ભલું કરવું છે. આ જ વિચારમાં રમણતા કરતો તે આગળ વધે છે. હવે જૂઓ બીજાના ભલાની ભાવના કેવું પુણ્ય ખેંચી લાવે છે. વિચારોના પુણ્યથી રાજા બન્યો
હવે આગળ વધતાં કોઈ ગામની બહાર વડલા નીચે વિસામો લેવા બેસે છે. થાકને કારણે નિદ્રાધીન થાય છે. આ બાજુ તે ગામનો રાજા અપુત્રીયો મરણ પામ્યો છે. રાજ્ય કોને સોંપવું તેની વિચારણા ચાલે છે. ગામના લોકો
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |