Page Text
________________
૧૮૦
તો સાચી સલાહ આપી. આશ્વાસન આપ્યું. અને આપણો એ કટોકટીનો સમય પસાર થઈ ગયો. આવું તો ઘણી જગ્યાએ બનતું હોય છે. અચાનક મોટું નુકશાન આવીને ઉભું રહ્યું. સમાજમાં સારી આબરૂ હોય. લોકોને મોં બતાવવું પણ ભારે પડે તેવી સ્થિતિ ઉભી થઈ હોય ત્યારે કોઈ પાડોશી કે મિત્ર સાચી સલાહ દ્વારા અથવા થોડી મદદ કરીને માણસને બચાવી લેતો હોય છે. હવે આપણો સમય બદલાયો ને કરોડપતિ બની ગયા અને જેણે આપણને અણીના સમયે મદદ કરી હતી તેનો સમય પણ પલટાયો. તે કોઈ દુઃખમાં આવી પડયા. સ્થિતિ ઘણી કપરી આવી. ત્યારે શાસ્ત્રકારો કહે છે કે આપણે કરોડ રૂપિયા આપી દઈએ તો પણ તેના ઉપકારનો બદલોવળે નહીં. એણે ભલે ૨૦૦-૫૦૦ રૂપિયા આપ્યા હતા પણ ત્યારે તેણે નિઃસ્વાર્થ ભાવે આપ્યા હતા અને આપણે અત્યારે એને કરોડ રૂપિયા આપીએ છીએ, તે ઉપકારના બદલામાં આપીએ છીએ. નિઃસ્વાર્થભાવે કરેલું કામ ચડી જાય છે. ગૌતમસ્વામી પૂછે છે કે ભગવન્ ! એ ભર્તાનો બદલો કયારે વળે? ભગવાન કહે છે ગૌતમ ! જો એ વ્યક્તિ કોઈ કારણસર ધર્મના મારગથી ચલિત થઈ હોય તો તેને માર્ગ પર લાવે, તેનો પરલોક સુધા૨ે તો તેના ઉપકારનો બદલો વળે. અરે તમે કદાચ કરોડ ન આપી દો તો કાંઈ નહીં પણ એ મુશ્કેલીમાં હોય ત્યારે મદદ તો જરૂર કરવી જોઈએ... ! ઉપકારનો બદલો ...!
અમદાવાદમાં પાંચકુવામાં મારા પૂ. પિતાશ્રીની દુકાનની પાસે એક શેઠની દુકાન. આ દુકાનમાં કોઈ ગામડાનો છોકરો નોકરીએ રહેલો. નીતિવાન. મળતાવડા સ્વભાવનો. ક્યારેક-કયારેક મારા પિતાજી પાસે આવીને બેસે પણ ખરો. આ શેઠને સંતાનમાં એક છોકરો. પણ તે પગે લૂલો હતો. ધંધો કરી શકે તેવો ન હતો. સમય વીતતો ચાલ્યો. હવે ગામડાનો એ છોકરો પોતાની આવડતથી ઘણો આગળ નીકળી ગયો. તેણે પોતાની સ્વતંત્ર દુકાન કરી. લાખો રૂપિયા કમાયો. હવે આ બાજુ આ શેઠની પડતી શરૂ થઈ. કમાવનાર કોઈ રહ્યું નહીં. શ્વેતાની પણ ઉંમર થઈ. સ્થિતિ ઘસાવા લાગી. આ છોકરાને ખબર પડી. જે પોતે હવે મોટી પેઢીનો માલિક બની ગયો હતો. તે શેઠની પાસે આવ્યો. શેઠને પગે લાગી વિનંતીપૂર્વક કહ્યું કે
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |