________________
૧૭૭ છો ? સાહેબ છોકરો મને બાપા કહીને બોલાવતો જ નથી ! કેમ છે એટલું પૂછવાનો એને ટાઈમ નથી. મિત્રો સાથે હરે-ફરે, વાતો ચીત કરે પણ મારી પાસે કયારેય પાંચ મિનિટ પણ ન બેસે. રોજ મનમાં ને મનમાં મુંઝાયા કરું છું. શું કરવાનો આ વૈભવ ને શું કરવાના પૈસા ! મનમાં સતત બળતરા જ હોય ત્યાં શું ? શાસ્ત્રકારો અહીં આપણને આંગળી ચિંધે છે કે આવું ન થવું જોઈએ. છેવટે દીકરાએ બાપને ન ઠાર્યા તો એનો છોકરો તો એનાથી એ ચડિયાતો નીકળ્યો. બાપા તો અસંતોષમાં જ મરી ગયા. હવે આ દીકરો જે બાપ બન્યો તેને પોતાના દીકરા સાથે બોલ્યાનો વહેવાર પણ ન રહ્યો. બન્ને એક જ દુકાનમાં સાથે બેસે પણ એક-બીજાને કંઈ પૂછે નહીં. છેવટે બાપને કેન્સર થયું, મરણ પથારીએ છે. બાપા રોજ પથારીની આસપાસ નજર નાખે છે જૂએ છે કયાંય મારો દીકરો બેઠો છે ? એક જ દીકરો છે. દીકરાને જોવાં વલખાં મારે છે. પણ દીકરો તો દુકાનેથી આવીને સીધો ઉપર પોતાની રૂમમાં સ્ત્રી સાથે ગપ્પા મારવા બેસી જાય છે. પણ બાપ મરણ પથારીએ છે તો એ જોવા જતો નથી. છેવટે દીકરાની ઝંખનામાં ને ઝંખનામાં બાપ મરી ગયો. પોતાના બાપને નહોતા ઠાર્યા તો તેને તેના દીકરાએ ન ઠાર્યો. જગતનો નિયમ છે કે બાળશો તો બળશો ને ઠારશો તો ઠરશો'. માબાપના સ્વભાવની સામે જોવાનું નથી. તેની સેવામાં કચાશ ન રહેવી જોઈએ. આપણે ફકત આપણી ફરજ જ બજાવવાની છે. હવે બીજો ઉપકાર છે ભર્તાનો તે આગળ જોઈશું.
To be Good.. સારા બનો. To do Good. સારું કરો. To get good. સારું મેળવો.
Jain Education International
For Private & Personal Use Only
www.jainelibrary.org
