Guruvani 3

SR No.: 004820
Original Sutra Author: N/A
Author: Jambuvijay
Publisher: Jinendraprabhashreeji
Total Pages: 228
Language: Gujarati
Classification: Book_Gujarati & Religion
File Size: 10 MB

Page 127

૧૦૬ એ મૂર્તિ પર નજર નથી નાખવી તોય જતી રહે છે અને બારણું નીચું છે એટલે નીચા પણ વળવું પડે છે. જે વસ્તુ જોવાની આપણે મનને ના પાડીએ તે વસ્તુ પર વારંવાર નજર જાય છે. વર્ષો વીતી ગયા. બાપે મરી ગયા ને દીકરો ય મરી ગયો. દીકરો સમુદ્રમાં મોટા મચ્છ તરીકે ઉત્પન્ન થયો. કહેવાય છે કે સમુદ્રમાં બધા જ આકારના માછલા હોય.. પ્રતિમા આકારના પણ હોય. અનાયાસે મન વગરના કરેલા ભગવાનના દર્શન પણ આ માછલાના જીવનમાં પરિવર્તન લાવે છે. માછલું વારંવાર એ પ્રતિમા આકારના માછલા તરફ જોયા કરે છે. આવું મે કયાંક જોયેલું છે.. એમ વિચારતાં-વિચારતાં
ત્યાં જાતિસ્મરણ જ્ઞાન થાય છે. પૂર્વજન્મ દેખાય છે. પિતાની આજ્ઞા નહીં પાળ્યાનો અફસોસ..... અને જિનેશ્વરદેવની કરેલી આશાતનાનું ફળ પ્રત્યક્ષ અનુભવે છે. ખૂબ પશ્ચાતાપ કરે છે. માછલાના ભાવમાં પણ તપ-ત્યાગ કરે છે, છેવટે અણસણ કરીને સ્વર્ગમાં જાય છે. ભાવ વગરના દર્શન પણ જો માણસને તારી દેતાં હોય તો ભાવથી કરેલા દર્શન માણસને શું ન આપે ! અરે ! દર્શન તો આપે જ, પણ દર્શનની લગની પણ સદ્ગતિને આપે છે. દર્શનની લગન - ડોશીમાની કથા
એક નિરાધાર ડોશીમા જંગલમાં લાકડાં લેવા ગયાં છે. ત્યાં રસ્તામાં લોકોના ટોળે ટોળા સામા મળે છે. લોકોને પૂછે છે કે તમે બધા ક્યાં જાઓ છો ? લોકો કહે છે કે અહીં તીર્થંકર પધાર્યા છે. અમે તેમના દર્શને જઈએ છીએ. તીર્થકર એટલે શું ? લોકો કહે છે કે અરે ! એમનું નામ લઈએ ને તો પણ આપણા દુઃખ-દારિદ્ર ચાલ્યાં જાય. ડોસીને પણ ભગવાનના દર્શનની લગની લાગી. મનમાં એક જ રટણ છે મારે દર્શન કરવાં છે. દર્શન કરવા જતાં રસ્તામાં જ તે મૃત્યુ પામે છે. દર્શનની લગનીથી તે દેવલોકમાં જાય છે, ત્યાંથી ચ્યવીને કોઈ રાજાને ત્યાં કુંવર તરીકે જન્મ લે છે. આમ એક ભવ દેવનો અને એક ભવ રાજાનો એમ સાત ભવ કરીને આઠમે ભવે રાજા થાય છે. કોઈ બગીચામાં બેઠા છે ત્યાં એક દૃશ્ય જૂએ છે. એક દેડકાને સાપે પકડેલો છે, સાપને સમડીએ પકડેલો છે, સમડીને વળી અજગરે પકડે છે. આમ “મસ્યગળાગળ' ન્યાયની જેમ સંસારમાં પણ આવું જ ચાલે છે. મોટો