Page Text
________________
૯૯ કેમ કહેવાય? બે દિકરાને મિલકત વહેંચી આપી. એમાં કોઈને કોઈ દાગીનો ઓછા-વત્તો આપ્યો. અરે ! એક ગોદડું ઓછું આપ્યું. તો તરત જ મા-બાપ પર અણગમો. મા-બાપ નકામા ! અરે! ભાઈ તને પોરામાંથી હાથી બનાવ્યો કોણે? માએ તને બોલતાં શીખવ્યો, ખાતાં-પીતાં શીખવ્યો, તારા મળ મૂત્રને સાફ કર્યા. એ ઉપકારને તું ભૂલી ગયો? એક ચીજ તને ઓછી મળી એટલે મા-બાપ નકામા બની ગયા. એના ઉપકારની સરખામણી તો કર.. આપણા સંબંધોમાં એકલી સ્વાર્થની દુર્ગધ મારતી હોય છે. તીર્થંકર પરમાત્મા માણસાઈમાંથી જ બને છે. તેમણે ધર્મ નામની કોઈ ચીજ સાંભળી પણ હોતી નથી. બસ પરોપકારનું જ લક્ષ્ય તેમના જીવનમાં હોય છે. દીન-દુઃખી જોયો કે દોડયા જ છે. આજેતો દીન-દુઃખી જોઈને આપણે મોં ફેરવી લઈએ છીએ. ધંધો વધારો ને ધન કમાવો આ સૂત્રને તમે આજે લઈને બેઠા છો તેની જગ્યાએ વિચારો સુધારો ને પુણ્ય વધારો એને અપનાવવાની જરૂર છે.
જગતમાં બધા જ પ્રકારના પુગલો પથરાયેલા પડયા છે. સારા અને નરસા. જેમ ઠંડીમાં ઠંડા પુદ્ગલો સમસ્ત વાતાવરણમાં ફેલાઈ જાય છે. અને ગરમીમાં ગરમીના પુદ્ગલો ચારે તરફ ફેલાઈ જાય છે. કાશ્મીર અહીંથી ભલે ગમે તેટલા યોજન દૂર હોય તોય ત્યાં હિમવર્ષા થાય અને તેના પરમાણુ અહીં પહોંચે છે. તેથી ગરમીની ઋતુમાં પણ અચાનક ઠંડી લાગવા માંડે છે. તેજ રીતે મનોવર્ગણાના પુદ્ગલો ચારે તરફ ફેલાઈ જાય છે. આપણા અંતઃકરણના જેવા અધ્યવસાયો (વિચારો) હોય તેવા પુદ્ગલો ખેંચાઈને આપણી પાસે આવે છે. પર્યુષણમાં તપના વિચારોના પુદ્ગલો ચારે તરફ ફેલાયેલા હોય છે તેથી કલ્પી પણ ન શકાય તેવી ઘોર તપશ્ચર્યાઓ થાય છે. આમ જેવા વિચારો તેવા પુદ્ગલોને મન ખેંચે છે.
આ કળિયુગમાં હોસ્પિટલમાં જૂઓ.. પરમાણુ કેવા ફેલાયેલા હોય છે? ઘણા ડૉકટરો એવા નિર્દય હોય છે કે દરદીને જોઈને તેને કેમ લુંટું તેવી જ ભાવના રાખતા હોય છે - અરે ! કોઈનો યુવાન દીકરો મૃત્યુ પામ્યો હોય, સ્વજનો બધા આક્રંદ કરતા હોય ત્યારે આવા નિર્દયી ડૉકટરો કહે છે કે પહેલાં અમારું બિલ ચૂકવો પછી મૃતદેહને લઈ જવાશે. આવા કૂર પરિણામોના
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |