Page Text
________________
ચોથી વહુએ પોતાની બુદ્ધિથી દાણાને વધાર્યા તેથી તેને ઘરનો સંપૂર્ણ કારોબાર સોંપ્યો. દેખરેખ તેને રાખવાની. બધા તેની હકુમત નીચે. આ તો દૃષ્ટાંત છે તેનો ઉપનય ઘટાવે છે. પુણ્યના ચાર પ્રકારો
આપણે પુણ્યને ફેંકી દેવું છે, ખાઈ જવું છે, સાચવી રાખવું છે કે વધારવું છે. આજે મોટો વર્ગ પુણ્યને ફેંકી રહ્યો છે અર્થાત્ વેડફી રહ્યો છે. તમે મોજશોખમાં ધનને વેડફી નાખો છો ને ! ફરવા જાય ત્યાં પાંચ-પચ્ચીસ હજાર ખર્ચીને આવે. કોઈ ગરીબ કુટુંબને મદદ કરી હોત તો કેટલા માણસને રાહતનું કામ થાત. તો શું તમારે આમ પુણ્યને વેડફી નાખવાનું છે ? કેટલાક માણસો પુણ્યને ખાઈ જવાનું કામ કરે છે. ઉડાઉ માણસ જેમ આવે તેમ,
જ્યાં-ત્યાં પૈસાની ફેંકાફેંકી જ કરતો હોય છે. કેટલાક માણસો પુણ્યને સાચવી રાખે. આવેલી લક્ષ્મીને થોડી ઘણી વાપરે.. જ્યારે કેટલાક માણસો સારા કાર્યો દ્વારા-બીજાના ભલા દ્વારા- દાન-દયા પરોપકારથી પોતાના પુણ્યનો વધારો કરી રહ્યા છે. આ ચાર પ્રકારના માણસોમાં તમારો નંબર માં આવે તે વિચારજો... સૌથી શ્રેષ્ઠ પુણ્યમાં વધારો કરનારા માણસો છે..! વિશેષજ્ઞ
ધર્મના અર્થી માણસનો ૧૬મો ગુણ વિશેષજ્ઞ
ઉત્તમધર્મની પ્રાપ્તિ કયારે થાય ? જે માણસ વિશેષજ્ઞ એટલે કે તફાવતને જાણનારો હોય તે સાચા ધર્મને પારખી શકે છે. ગોળ અને ખોળના ભેદને જાણનારો જ ગોળને પ્રાપ્ત કરી શકે છે. તેમ ગુણો કયા અને દોષો કયા છે તેને સમજે તો ગુણોને આરાધી શકે. સંપત્તિ મળ્યા પછી પણ તે જો વિશેષજ્ઞ હોય તો જ સંપત્તિનો સદ્વ્યય કરી શકે નહીંતર ભોગ વિલાસ, અમનચમનમાં મળેલા જન્મને અને મળેલી સંપત્તિને ગુમાવી દે, ધર્મના આજે ઘણા ફાંટાંઓ છે, ઘણા પ્રકારના ગચ્છો છે, સંપ્રદાયો છે આ બધામાંથી વિશેષજ્ઞ માણસ જ સારાને ગ્રહણ કરી શકે છે. નહીંતર અન્યમાર્ગે દોરવાઈ
જાય.
આજે જગતનો મોટા ભાગનો વર્ગ જ્યાં ચમત્કાર ત્યાં નમસ્કાર કરનારો
Jain Education International
For Private & Personal Use Only
www.jainelibrary.org
| SR No. | 004820 |
| Book Title | Guruvani 3 |
| Original Sutra Author | N/A |
| Author | Jambuvijay |
| Publisher | Jinendraprabhashreeji |
| Publication Year | |
| Total Pages | 228 |
| Language | Gujarati |
| Classification | Book_Gujarati & Religion |
| File Size | 10 MB |