________________
८२.
तरंगलोला
एवं सोऊण अहं हिम-हय-नलिणि व्व नट्ठ-सोहग्गा । सोग-पलीविय-हियया खणेण जाया बिगय सोहा ।। ६५३ ईसो(?)वसंत-सोगा असूहि तह य पूरियच्छीया । चेडि बेमि रुयंती इमाणि वयणाणि तो घरिणि ।। ६५४ जइ काम-सरुहबिओ चएज्ज सो जीवियं पिओ सो मे । तो हैं पि न जीवेज्जं जीवेज्जं जीविए तम्मि ॥ ६५५ जइ ता तिरिक्ख-जोणिं गयाए सो(?) अणुमओ संतो । एहि किह जीविस्सं तेण विहूणा बहु-गुणेणं ॥ ६५६ जाहि तुम सारसिए मूलंम्मी तस्स मह(!झ) नाहस्स । अक्खर-लेह घेत्तुं मह वयणेणं इमं भणसु ।। ६५७ लिहिओ उ भुज्ज-पत्ते लेहो सह सिज्जिरंगुलि-करेण । मयरद्धयाणपुव्यो चडु-वयण-वएसणा(?) पउरो ॥ ६५० ण्हाण-मण(?)-मट्टिया-पिडि-मुहियं तिलक-लंछणं लेहं । अप्पक्खरं महत्थं . हत्थे दासीय [कासीय] ॥ ६५९ बेहि य ता सारसिए इमाई वम्मह-निबंधण-कराई। मम वयणाई (?) रमणं हिययालंबाणि वयणाई ॥ ६६०
(जा) गंग-सलिलस्स रमणी अण्णं जाई तुहासि जा भज्जा । सा एस चक्कवाई आयाया सेट्टिणो धूया ॥ ६६१ तुज्झ परिमग्गणत्थाय चित्तपट्टो. पदसिओ तीए । जं नाह तं सि दिट्ठो सफला x x x हु से जाया ॥ ६६२ परलोग-विप्पवासिय (?)मज्झं हियय-घरवासिय जसस्सी। तुज्झ सण्ण(मग्ग?)माणी अणुमग्गं सा इहं पत्ता ॥ ६६३ जइ चक्कवाय-जाती-गओ तओं धरइ पेम-संबंधो । तो जीव-जीवियत्थे [हत्थं ?] किर वीर मे देहि ॥ ६६४ तं सब्भावुण्पण्ण-अणुरागं आगरं सुह-सयाणं । रमणं संभारेज्जा जो णे सउणत्तणे आसि ।। ६६५ एयाणि य अण्णाणि य विहुरिय-हिययाए सा मए भणिया । मह सोक्खाण य मूलं पिययम-मूलम्मि गच्छंती ॥ ६६६ तेण सह संपओगं करेहि सुरय-रइ-समुदय-करं मे । सामेण व भएण व उवप्पयाणेण व वयंसि ॥ ६६७ अप्पाहिया वऽणप्पाहिया व भणिया व तं अभणिया व ।। सव्वं पि णं भणेज्जा जं होइ गुणावह मज्झं ।। ६६८ एव भणिया मए सा चेडी संपत्थिया थिर-जसस्स । । मज्झ पियस्स सगासं हियएण समं महं घरिणि ॥ ६६९
Jain Education International
For Private & Personal Use Only
www.jainelibrary.org
