________________
७२
" तरंगलाला
इणमो य सरस केसर-सालि-कणिस-पिंजरुज्जल-सरीरो ।। विद्धो मुद्धय-सउणो कडि-देसे वाह-कंडेण ॥ ५७१ इणमा य चक्कवाई करुणं पइ-मरण-विक्कवा लिहिया । सालि-कणिसंग-रुई पडंत-उक्कव मुक्क(?) सव्वंगी ॥ ५७२ वाहेण नदी-कच्छे झामिज्जंतो इमो य चक्काओ । कय पाण-परिचाओ पस्स विणामो कओ एसा ।। ५७३ इणमो य कलुणं (?) चक्काइ अइगया इहं अग्गिं । पइ-मग्गं मग्गंती सोयग्गि-पलीविया लिहिया ॥ ५७४ चित्तं जरो(?) मणहारि कोमुइ-पेच्छणय-सार-सव्वस्सं । चित्तस्स उग्गमं न पुण यावि जाणेज्ज जं एत्थ ॥ ५७५ सो कोऊहल नडिओ पुरिसाणं दाविऊण दाणं (?) । चरियमिणतं पेच्छिउणं चित्तेणं (?) गओ मोहं ॥ ५७६ तो पवर-रज्जु-मुक्को व्व इंदकेऊ धसत्ति सो पडिओ । सयराहं धरणियले पेच्छग-पइरिक्क सुण्णम्मि ॥ ५७७ पडिओ चिरेण नाओ तेहिं वयंसेहि जइ वि आसण्णो । सो चित्तकम्म-पेच्छण.पसंग-वक्खित्त-चित्तेहि ॥ ५७८ तेहि य पणट्ठ-चेट्ठो उक्खित्तो लेप्प-कम्म-जक्खो व्व । नेउण एग-पासे पवाय-देसे य तो मुक्को ॥ ५७९ दठूण चित्त-पढें इमो हु पडिओ त्ति जाणिय तेहि (?) ॥ अहमवि तत्थेव गया तस्स पडिय-कारणं णाउं ।। ५८० हिययं च मे पसण्णं सहसा परिओस-धारियं तत्थ । लाभालाभ-सुभासुभ-संपत्तीए जह निमित्तं ॥ ५८१ अवि नाम चक्कवाओ सेो होज्ज इमा त्ति एव चिंतेमि । अमू खु अणुग्गहीया तो गहवइ-बालिया होज्जा ॥ ५८२ सोग-समुद्द-विगाढा अह केण वि पुव्व-सुकय-कम्मेण । गुण-रयण-पट्टणमिणं पावेज्ज वरं गय-करोरु ॥ ५८३ एव य चितेमि अहं सो य समस्सासिओ वयंसेहिं । बाह-पडिरुद्ध-कंठो कलुण-परुण्णो इमं भणइ ।। ५८४ हा मज्झ पिए मयण-सरुद्दविए रुइर-कुंकुम-सवण्णे । सुरय-प्पिए सहयरि कत्थच्छसि निद्ध-कसिणच्छि ॥ ५८५ गंगा-तरंग-रंगिणि चक्काइ मज्झ पेम्म-मंजूसे । । किह णं अणुद्धर-दुहं तुमे विहूणो धरीहामि ॥ ५८६
Jain Education International
For Private & Personal Use Only
www.jainelibrary.org
