________________
१४
खरंगलोल
इह अस्थि भरहवासे मज्झिम-खंडम्मि मज्झदेसम्मि । वच्छा नाम जणवओ रम्मो जो सव्व-गुण-कलिओ ।।८६ रयणाण उब्भवो [जो] समागमो आगम-प्पहाणाणं । आई मज्जायाणं खेत्तं धम्मत्थ-कामाणं ॥८७ सोक्खं व पत्थणिज्जो छेय-जण-विणिच्छउ व्व रमणिज्जो । निव्वाणं पिव वासो धम्मो व्व कओ जहा सफलो ।।८८ पुर-वर-जण-कोलंबी तत्थ पुरी देवलोय-वेलंबी । सव्व-जण-मणालंबी कोसंबी नाम नामेण ॥८९ सा मज्झदेस लच्छी उवमाणं अण्ण-रायनगराणं । ललिय-समिद्ध-जण-निही-उंदी जउणा-नदी-तीरे ॥९०
तत्थ य अपरिमिय-बलो समर-परक्कम-पयाव-विक्खाओ। नामेण उदयणो नाम साहु-जण-वच्छलो राया ॥९१ मित्त-जण-सोक्ख-रुक्खो सत्तु-वण-दवा जसस्स आवासो ।
- भङवग्ग-समाउलो सग्घो ॥९२ कंतीए पुण्ण-चंदो सरेण हंसो गईए नर-सीहो । .. हेहय-कुलम्मि जाओ हय-गय-रह जोह पउरम्मि ॥९३ जस्स य वासवदत्ता उत्तम-कुल-सील-रूव-संजुत्ती । महिला-गुण-संपत्ती पत्ती रइ-सोक्ख-संपत्ती ॥९४
तस्सत्थि नगर-सिट्ठी वयंसओ उसहसेणओ नाम । नेगम-पढमासणिओ पासणिओ सव्व-कज्जेसु ॥९५ निउणत्थसत्थ-परमत्थ-जाणओ सव्व-सत्थ-निम्माओ । निहसो पुरिस-गुणाणं ववहारोणं च सव्वेसिं ॥९६ सोम्मो य गुणावासो मिय-महुर पसत्थ-काल-संलावी । थिय-मज्जाय-चरित्तो
उक्कड-चवहार-ववहारी ॥९७ सम्मईसण-सुविसुद्ध-बुद्धि. निस्संकिओ पवयणम्मि । जिण-वयण सावओ सो मोक्ख-सुई पंथ पडिवण्णो ॥९८ सावय-गुणाण नियरो आहारो नाण-दसण वयाणं । बंध-पमोक्ख-विहण्णू .. जीवाजीवे कयाभिगमो ।।९९ विणयम्मि रयणोक्ख(?) निज्जर-विवेय-संवर(?) महत्थवी । एच्छाइ पुण्णापुण्ण-विहण्णू(?) सील-व्वय-तुंग-पागारो ।।१०० कुल बंसस्स पदीवो निच्चं पयइ-जण-दीण-सीय-घरो । जो लच्छि मज्झिम घरो गुण-रयण-सिरी-घरो धीरो ॥१०१
Jain Education International
For Private & Personal Use Only
www.jainelibrary.org
