________________
२५६
तरंगलोला
सोउं च तयं संजाय [जाइ-]सरणो खणं गओ मोहं । [129 A] पच्चागओ य सम्मं निविण्णो हं बिचिंतेमि । (३८८) जीवियमेसिं दाउं परलोय-हियं करेमि(?)। काउं च तं रयणीए वलिओ पल्लिं न गओ न राहि ति(?) ।। (३८९) गंतुं चोत्तरहुत्तो पत्तो सुक्काउ हं पुरिमताल । नयर तस्सोज्जाणे देउल-पुरओ वडं रम्मं ।। (३९०) दट्टुं पुच्छामि जणं इणमो किं-नामय उववणं ति । कस्स य देवस्स इमा कीरइ सुंदरी पूया ।। (३९१) तो पाहुणो त्ति नाउं तत्थ जणो मं भणेइ इणो(? मो) खणं । इणमो उज्जाण-वर सगडमुहं नामिह वडे य ।। (३९२) हेट्ठा रिसहेसर-केवल-पभवो ति महिमा जणेणेसा । अज्ज-वि कीरइ ठविया तस्स इमा देउले पडिमा ।। (३९३) एव च सोउण अहं वडं च पडिमं च वंदिऊण तहिं । पस्सामि तव-गुण-निहिं समणं तत्थेक्क-पासम्मि ।। (३९४) तं च विणएण पणमिय भणामि वेरग्गमग्गमोइण्णो । इच्छामि ते महायस सिस्सो सुस्सूसओ होउं ॥ (३९५) तेण य भणिय दुखं का समणत्तणं ति बेमि अहं । धीरस्स नत्थि दुक्कर तओ पव्वाविओ विहिणा ।। (३९६) एक्कारसंग-गाही नव-पुव्व-धरो य होउ विहरामि । एवं च मज्झ जाया मिहुण-निमित्ता पवज्ज त्ति ॥ (३९७) सोउं चेमं अम्हे स-पच्चया दो-वि धरिणि दिट्ठीए । मेलिच्छिवि (2) चिंतेमो परम्मुहा विसय-सोक्खस्स ॥ (३९८) जइ ताव कूर-कम्मो होऊण इमो वि संजओ जाओ । ता जोग्गा वि किमम्हे तव चरण पइ विलंबामो ॥ (३९९) ता तं वंदिय समणं भाल-कयंजलि-उडा य साहेमो । गुरु त मिहुणं अम्हे जस्स तए जीविय दिण्णं ।। (४००) तो इण्हिं पि पडिच्छसु इच्छामो भे सुसुस्सिउ अम्हे । तेणुत्तं सो जाही मोक्खं जो संजमं काही । (४०१) सोउं चेमं भणिय स-भूसणप्पावणेण पेस-जणो । तायम्माण कहेज्जह सामण्णं ते पवण्ण त्ति ॥ (४०२)
Jain Education International
For Private & Personal Use Only
www.jainelibrary.org
