________________
પરિશિષ્ટ
ભદ્રેશ્વરસૂરિવિરચિત
તરંગવઈકહા अत्थीह जंबुद्दीवे भारहवासम्मि मागहे देसे । वीर-जिण सासण रओ रायगिहे कूणिओ राया ॥१ तस्सासि नगर-से (१४४B)ट्ठी सुसावओ सव्व-पयइ-मणकंतो। पच्चक्खं धण-पालो [धणपालो नाम ] सुपसिद्धो ॥२ तस्सावियम्मि(?) निवसइ गेहे बहु-सिस्सिणीए गण जणणी । एक्कारसंग-संपुण्ण-धारिया सुव्वया नाम ॥३ तीसे य तरंगवई सिस्सी छठुस्स पारणयस्स दिवसे । समाण खुड्डीए सहिया भिक्खत्थं तस्थ हिंडंती ।।४ किंचि धड्डय गेहं पडिवाडी-पडियमइगया सा य । पेच्छिज्जइ तम्मि ठिया वर-मंदिर जुवइ-चेडीहिं ॥५ भणइ य अहो रूवं तं च सुणेऊण निग्गया घरिणी । समुच्चिय(?) तं सा दट्टुं तुट्ठा य स-खुड्डियं अजं ॥६ भत्तीए वंदित्ता तीसे रूव-गुण-कोउहल्लेण । विम्हय पुलइय-गत्ता सा घरिणी भणइ अज्जं ॥७ अम्ह पसीयह अज्जे जइ ते नस्थि नियमस्स उवरोहो । ता पर-लोय-सुहावहमिह धम्म-कह परिकहेह ॥८
तो भणइ तीए भणिया अज्जा नत्थेत्थ कोइ उवरोहो । जं धम्मो सुगुणो च्चिय दोण्ह-वि भासंत-सुणंताण ॥९ ता तं सुणेह साहेमि सोउमेवं च हरिसिया घरिणी । उचियासणेसु वंदिय दो-वि निवेसेइ अज्जाओ ॥१० तत्तो सह सेसाहिं जुबईहिं वंदिउं तरंगवई । घरिणी निविसइ पुरओ कयंजली कोट्टिम तलम्मि ॥११ तो साहिउँ पयत्ता सव्व-जग-सुहावहं जिणाणुमय । जर-मरण-रोग-जम्मण-संसार विणासणं अज्जा ॥१२ सम्मइंसण-सुद्ध पंच-महव्वय-मय विणय-मूलं । तव-संजम-पडिपुण्णं निरूवम-सिव-सुह-फलं धम्मं ॥१३
Jain Education International
For Private & Personal Use Only
www.jainelibrary.org
