________________
२०६
तरंगलोला
भणिऊण पाय-वडिया भीया भव-सायरा दुरंताओ । भणइ किमम्हं होही खुत्ताणं विसय-पंकम्मि ॥१६३१ मोह-च्छण्णा अम्हे तुम्हं चरिया सुदुक्करा अज्जे । ता तह कहेसु अम्ह जह संसारे न हिंडामो ॥१६३२ तो भणइ तरंगवती काउं न चयसि संजमं जइ वि । तो कुण गिहत्थ-धम्मं जिण वयणे निच्छिया होउं ॥१६३३
सोऊण य सा एवं वयणं अज्जाए अमय-सारमिण। हिययं धरेइ हट्ठ अणुग्गहं मण्णमाणीओ ॥१६३४ धम्मम्मि लद्ध-बुद्धी तत्थ य संवेग-जाय-सद्धा य । सील-व्वया गुणवएहिं समं गहेत्था य ॥१६३५ अभिगय-जीवाजीवा जे य सुभा जिण-सत्थ-पयत्था(?) घच्छीय अणुवयाई सीलाणि वयाणि य बहूणि ॥१६३६ सेसा वि य तरुणीओ सव्वा सोऊण कहमिणं सव्वं । दढ-सद्धा जिण-वयणे जाया संवेग-पडिवण्णा ॥१६३७ खुडीए समं अज्जा वि तत्थ घेत्तूण फासुयं भिक्खं । जेणागया पडिगया संजम तव-जोग-गुण धारी ॥१६३८
संबोहणत्थ-हेउ अक्खाणमिणं पवण्णिय तुब्भं । अवहरउ दुरियमखिलं होउय भत्ती जिणिदेसु ॥१६३९
हाइय-पुरीय-गच्छे सूरी जो वीरभद्द-नामो त्ति । तस्स सीसस्स(?) लिहिया जसेण गणिनेमिचंदस्स ॥१६४०
Jain Education International
For Private & Personal Use Only
www.jainelibrary.org
